2022-05-01 03:33:05
- ما حكم تارك الصلاة المتكاسل؟
حكمه إنه فاسق وإنه أشد إثما من قاتل النفس ومن الزاني ومن السارق
- طب ايه رأيك في القول المنسوب للغزالي في حكم تارك الصلاة. الغزالي بيقول حكمه إنك تاخده معاك المسجد.
إجابة غلط. ده مش حكمه. ده واجبي تجاهه. ومن واجبي تجاهه إني أخوفه من عذاب الله وأرغبه في ثواب الله عشان أخده معايا المسجد. لكن حكم تارك الصلاة إنه مرتكب كبيرة من أكبر الكبائر.
- ربنا لو عايزني أصلي هاصلي
ربنا مش بيعوز حد. ربنا الغني عنك وعن صلاتك. أنت اللي محتاج لربنا. ربنا أمرك بالصلاة. قوم صلي وسيبك من الكلام ده عشان ده كلام الشيطان بيوسوس لك به عشان يريح ضميرك.
المشركين عملوا زيك
قال تعالى:
وَقَالَ ٱلَّذِینَ أَشۡرَكُوا۟ لَوۡ شَاۤءَ ٱللَّهُ مَا عَبَدۡنَا مِن دُونِهِۦ مِن شَیۡءࣲ نَّحۡنُ وَلَاۤ ءَابَاۤؤُنَا وَلَا حَرَّمۡنَا مِن دُونِهِۦ مِن شَیۡءࣲۚ كَذَ ٰلِكَ فَعَلَ ٱلَّذِینَ مِن قَبۡلِهِمۡۚ فَهَلۡ عَلَى ٱلرُّسُلِ إِلَّا ٱلۡبَلَـٰغُ ٱلۡمُبِینُ
احتجوا بالقدر فربنا قال لهم احتجاجكم باطل لأنه أرسل الرسل ينهاهم عن الشرك.
فيه مشيئة شرعية: ربنا يأمر عباده بالصلاة. ربنا يحب ذلك ولا يرضى ترك الصلاة.
وفيه مشيئة كونية
فلو أنت ماقمتش للصلاة مش هاتلاقي السجادة اتفرشت وايدك بتكبر لوحدها.
-حسام عبد العزيز
62 views00:33