تراث القصائد الحسينية

آدرس کانال:

دسته بندی ها: دستهبندی نشده

زبان: فارسی

مشترکین: 8.97K

توضیحات از کانال

قصائد تراثية مكتوبة

▲ Vote (1)

Ratings & Reviews

3.00

2 reviews

Reviews can be left only by registered users. All reviews are moderated by admins.

5 stars

4 stars

3 stars

2 stars

1 stars

آخرین پیام ها 2

2022-08-06 03:50:26 #تراث

غبت عني ودنيتي وحشة بلياك
لو نسيت امك عليها صعب فركاك
جيت اهز مهدك واناغيلك والولي
يالرباب المهد خالي يكَلولي
أنسى روحي ومهجتي وما اكَدر أنساك
ــــــــــــــــــــــــــــــــــــــ
نايمه وفزيت يبني وجيتك بلهفة حنيني
لني حلمانه گرب وكت الرضاعة وتناديني
وهمت وي نغمات صوتك والنغيط اليناغيني
بحلوة النومة اعتنيت وعالمهد صديت عيني

لن شفت مهدك خالي يوحش يبني
كَلت الدهر بأول سهم صوبني
خله بدليلي النايبه تعذبني
بعدك كَصه بيه الوكت شيبني

در حليبك عالصدر جيف الوكت فات
عالرضاعة ومرت اعله الوكت ساعات
خايفه يبني رحت عني وعفتني
ولو نويت تروح شوما ودعتني
انسى روحي ومهجتي وما اكَدر انساك
ــــــــــــــــــــــــــــــــــــــ
طفح مي عيني وتبده يبني والماي شيلمه
ولو توشل العين ميهه ماتضل اتشوف تعمه
وانه دوهني زماني بفركَتك والله يا يمه
راح حيلي وروحي راحت من جسمهه ومالي همه

هديت حيلي وذوبتني بفركَاك
فتيت كَلبي وراحت الروح وياك
مولحت عيني وانطفت من جدواك
ياماي عيني الي طفح وين الكَاك

اخذ روحي الهايمه تتوسد وياك
عالكَرب يمك تريد شلون تسلاك
عايشه بلياك بالدنيه غريبه
والكَلب يسعر ولا يطفه لهيبه
انسى روحي ومهجتي وما اكدر انساك
ــــــــــــــــــــــــــــــــــــــ
امسيت مهضومه اعله فكَدك والنوايح ترثي حالي
منين ما اصد بالعيون ولن شبح يخطف كَبالي
ايعتني ويهددني بيك يكَلي راح الجان غالي
تغمى روحي واصحيهه وانجفي ابعثرت ذيالي

هم انتظر يوم وعلي يبني اتعود
وافرح بدنياتي وترد ليه اردود
واعلكَـ شموع الفرح وايخضر العود
والكَلب يستر بيك والروح اتهود

لاجت الدمعه ابجفنهه وخنكَت الروح
وعبرتي ضاكَت ابصدري ومنهه مجروح
راح تعبي وسهر كل ذيج الليالي
ضيعتني كربلا وغيرت حالي
انسى روحي ومهجتي وما اكَدر أنساك
ــــــــــــــــــــــــــــــــــــــ
اضل اندب يعبد الله وريتك لصوتي تسمعه
جنت احسب يبني شاب تصير تضوي بليلي شمعه
ولوهضمني الوكت تنغر علي وتنشف الدمعه
مادريت بكربلا تنساني ولكَلبي تفجعه

يا ضوه العين وشلي بعدك بالعين..
يا سلوتي ويا ثمر دلال حسين...
عني رحت الكَاك يوليدي وين؟
ومنين أجيب الصبر دليني منين؟؟

جنت اكَضي ليلتي بكترك واناغيك
ولو كَضه ليلي وصبح كَدامي الاكَيك
النايبه بعدك يعبد الله دهتني
والمصايب عكَب عينك دوهنتني
انسى روحي ومهجتي وما أكَدر انساك
ــــــــــــــــــــــــــــــــــــــ
ما خذت من خاطر امك من رحت ماودعتهه
ولا كَلت ودعتج الله ابكسرة الخاطر عفتهه
وما خفت سهم النوايب من بعد عينك يفتهه
واضن كَلبك ينكسر يوليدي حالي لو شفتهه

تمور الجبال الراسيه لونتهه
وتميد بيهه الكَاع لو سمعتها
تذوب الصخور الجامده لوحشتهه
ضلت وحيده وحايره لغربتهه

جنت اضمك بالكَلب وبجبدي اغطيك
واصد نسمت الهوى خاف انها تاذيك
بعده ثغرك مالحكَـ ينطق الجلمه
رحت عني وحتى ما كَتلي يا يمه
انسى روحي ومهجتي وما اكَدر انساك
ــــــــــــــــــــــــــــــــــــــ
يا ثمر كَلبي ونبعته ويا سهد عيني ووسنهه
ضلت امك عكَب عينك هايمه وساهر جفنهه
وماكَلت خافنها تضمه وعلى افراكَي يجف لبنهه
وفرشت هموم النوايب ونامت وغطاهه ونهه

خليت عين امك تهل دمع ودم
فرشت مصايبهه وتغطت بالهم
تسحن صبرهه وبالنوايب تلهم
وتجوح ابلوعاتها وتتالم

فاركَتني وعلي مرت سود الايام
شابحه عيوني واضل سهرانه ما انام
يا هو يجبر خاطري المكسور يبني
والدهر خلاني محتاره وضهدني!!
انسى روحي ومهجتي وما اكَدر انساك

عبد الرسول الخفاجي

#اللهم_عجل_لوليك_الفرج

(134)

4.7K views00:50

باز کردن / نظر دهید

2022-08-04 18:19:37 #تراث

في محاربة الأنصار وبني هاشم يوم العاشر من المحرم (موشح)

أنـصـار هـاجت والمعالي عيدها
اهتزت الصك بـيضها او تغريدها
ــــــــــــــــــــــــــــــــــــــ
عـــيدها اوزمت روایـه اورفرفت
والرمـاح اوي الرمـاح اتـخالفت
والمــــنايه اتــمايلت وتـعطفت
حـافّه بيهم واِديـــــهم بـــيـدها
ــــــــــــــــــــــــــــــــــــــ
حــــافه بيهم اونـادبهم نـدب
هـلهلت لزهــير والحـر والوهب
والحبيب الزم سربها اعـلـه السـرب
والصف اعله الصف اوجـنـدل حـيدها
ــــــــــــــــــــــــــــــــــــــ
جـنـدلـو كـل حـيد وسگـوه الحتوف
اوسال دمها اوغـدر ابـوادي الطـفوف
ذبّو الخطّي اوعمل ضـرب السيوف
للسـمه السابع يناجي ارعـيدها
ــــــــــــــــــــــــــــــــــــــ
رعد بالطاس اوهوه الملبس خـضيب
اليـوث غـضبانه ابمخالبها تصيب
مـن عـِدَو جـدامـهم يندب حبيب
داهــيه الدهـمه البـطل صنديدها
ــــــــــــــــــــــــــــــــــــــ
عـِدو للـموت اوشمسها اتكـورت
بــالچتام اوبــيهم الدنـــيه ازهـرت
الخيل فوگ الخـيـل فـرت وادبرت
اوجندلو ويـن البـطـل عـنـد إيـدها
ــــــــــــــــــــــــــــــــــــــ
عـنـد إديـها اوهـارب المـنهم سلم
گضو حگهم وجهدو دون الخـيم
سدرو لحسيــن كـل واحـد عـلم
والگــلايع مـا حـصـه تـعديدها
ــــــــــــــــــــــــــــــــــــــ
ما حصه تعدیدها امـن اجـياد خيل
اونهض عباس اولبس درع الثجيل
اونهض جاسم ودلس ابهندي الصجيل
اوضنوة حسين الرواسـي ايـميدها
ــــــــــــــــــــــــــــــــــــــ
مادت الأرض اونزل سخط اوغضب
والجـدم ينجد ولا ينجه الهـرب
شـالو الصـف بـالصوارم والسرب
والملازم والدنـه وبــعيدها
ــــــــــــــــــــــــــــــــــــــ
البعيد اسجد سمع ربده اور عید
اسيوف هـاشم جـندلت وين العجيد
طـرت المطوس الغـايـص بـالحديد
ابـحـد مـواضـيها اوصـادت صيدها
ــــــــــــــــــــــــــــــــــــــ
صادت الصيد اوغـده امـن الدم بحر
شبل حيدر شالها المجلي الكـدر
خطف رايـة بـن سـعـد مـنها اوسـدر
اوگال زينب هـاي أظـنـهـا اتـريدها
ــــــــــــــــــــــــــــــــــــــ
هلهلت زينب والحسين ابتسم
آورد سچب دمعه اونظر راعي الشـيم
غلب حكـم الله اوجـره اوجـرّ القـلم
والمشية بـــــــالمُلك ليـزیدها

الشاعر المرحوم عبد الامير الفتلاوي

#اللهم_عجل_لوليك_الفرج

(133)

6.4K viewsedited 15:19

باز کردن / نظر دهید

2022-07-27 11:57:38 #تراث

نعي لمولاي القاسم صلوات الله عليه

ام الولـد يرجف بدنها
والنـوم ما مر بجفنها
حسبت لن تامر وتنها
وتفـــرح الحره بعـرس أبنهـا
ليالي الـدهر وليـه ولنهـا
بسهام فكده صـوبنها
بس هالشــباب وراح منها
تـون ويفسـر الصـخر ونهـا
اويـــلاه عكـب الولد لنها
وي الغرب غرب ضعنها

يبني الكـبر سـنـي ضـخرتك
ولمنـازعـي بـالموت ردتك
وانت التغسلني حسبتك
يجاسـم عسـه لا جـان شـفتك
مخظبه بدمك وجنتك
حسبتك عـدل وفـرح بزفتـك
وهـلهـل يجاســم يوم عرسـك
حظرتـــك عسـاني لا حظرتـك
شـفـت يـا بـسـه مـن العطش شـفتك
واعرفـت العطـش ذوب چبدتك
يبني يجسـام على بختك
ليش اكطعـت بمك وبختك

المرحوم الحاج مُعين السباك

#اللهم_عجل_لوليك_الفرج

(132)

1.8K views08:57

باز کردن / نظر دهید

2022-07-27 11:45:07 #تراث

مقتل مولاي القاسم صلوات الله عليه

طلع للكون والصمصام بیده
ابن اثنعش و الحرب عيده
مـن يـطـرد فـلا يسـلـم طـريده
يفر واعـلـيـه طـيـر المـوت حـوم
ــــــــــــــــــــــــــــــــــــــ
تلگاها او نحـرهـا اشـلـون مـنحر
فـل اجمـوعها او للخيل طشر
طليعة هـاشم او ظنوات حيدر
يحسب الموت يـوم الـكـون مـغنم
ــــــــــــــــــــــــــــــــــــــ
عـليه اشما يـزود الفـزع يشـتد
يدّب(أدب) شوسها او حط للحرب حد
ماظل بـالحرب حـران ينعد
الا او گـام مـن سـيفه ایتکتم
ــــــــــــــــــــــــــــــــــــــ
عگب ما يَدّب الفرسان فعله
گطع چـف المنيه اشراک نعله
و گف يلويه و الأسـدى گـصدله
طبر راسـه او عـليه العسكـر التم
ــــــــــــــــــــــــــــــــــــــ
هـذا يـشهر السيف او يضربه
او هـذا فـوگ اصـاویبه يصوبه
او هذا ينكث الزانـه اعـلى گـلبه
او هـذا لـلـرمي ابجسمه ايـتعلم
ــــــــــــــــــــــــــــــــــــــ
صـاح بـصوت ليـه اسرع يعمي
ترانی اتخضبت مـن فـيض دمـي
يعمي امن الطبر خدموا جسمى
او لا ظل عـظـم سـالم مـا تـهشم
ــــــــــــــــــــــــــــــــــــــ
لفـاه الحـومة الميدان عـمه
لگاه مطروح و امـعفر ابـدمه
حنه اظـلوعه عـليه او گعد يمه
يشمه او عـن جـبينه يمسح الدم
ــــــــــــــــــــــــــــــــــــــ
یگـله يا سـلوتي او بـدر لـيـلي
ينور العين شتهيس احچيلي
يعمي ونـتـك بــيدت حـيـلي
او طـود الصـبر لمصابک تهـدم
ــــــــــــــــــــــــــــــــــــــ
يعمي من شرگ هـامتك نصين
يبعد اهلي اصواب اليوجعك وين
يعمي اشلون اشيلك للصواويـن
و انته امن الطبر جسمک امخـدم
ــــــــــــــــــــــــــــــــــــــ
شـاله او للـمخيم بـيـه سـدّر
او حط جاسم يويلي ابصف الاكبر
گعد مـا بينهم و الدمـع فـجر
تشب ناره او علیه اتـراكـم الهـم
ــــــــــــــــــــــــــــــــــــــ
نوبه ينحني اعـلى ابـنه او يحـبه
او يمد ايده او يجس نـگـاد گلبه
او نـوبه دمـعه الجـاسم يصبه
او یگللهم اشبيدي اعلى المحـتم
ــــــــــــــــــــــــــــــــــــــ
يم جـاسم غـدت للـحـرم حـنه
لمـن شـافته ابـدمه تحـنه
امـه اتـصيح يـا جـاسم امـهنه
ابهـا الزفه يبعد الخـال و العـم
ــــــــــــــــــــــــــــــــــــــ
ربیتک او عـيـنـي اعـليك تـربي
او يحسب بیک ليـل انـهـار گـلبي
يجـاسم بیش او چـد بـعد دربي
او ضوه اعيوني طفاه الدهر و اظلم

السيد المرحوم عبدالحسين الشرع

#اللهم_عجل_لوليك_الفرج

(131)

1.7K views08:45

باز کردن / نظر دهید

2022-07-24 14:29:41 الحان اغلب القصائد المنشوره في القناة متواجده على اليوتيوب

2.3K views11:29

باز کردن / نظر دهید

2022-07-24 14:27:14 #تراث

نار گلبي مسعره وحايره اليوم
عيني ظلت ساهره وناكره النوم
سهم فگدك ياوليدي عاميني
مادريت بكربله ترميني
حايره اليوم.... وگلبي مالوم
ــــــــــــــــــــــــــــــــــــــ
وجهت لحسين رمله والگلب من عدها هايم
تگله ياعيوني ارد انشدك وين نجل الحسن جاسم
نصبت الصيوان عمته وفرحت لعرسه الفواطم

يحسين هذي حوفته
وشـموع عرسه وحنته
منتظره آنه لجيته
بـس يكون وليدي سالم

هذي حنته والشمع والدمع همّال
وانحنى مني الظلع وتغير الـحال
وين نايم ياكتر دليني
مادريت بكربله ترميني
حايره اليوم.... گلـبي مالوم
ــــــــــــــــــــــــــــــــــــــ
ريت يابني الحسن يحضر زفتك بالغاضريه
يفرح بعرسك وبيده شمع يعلگ هالمسيه
وينظر لحالة شبابك يا وديع الغاضريه

ياريت ياوليدي حضر
والدك ويشوف اشسدر
بيك وعمى وعيونه السهر
حايره واصفچ بديه

ريت يحضـر والدك ياوليدي ويشوف
وإنت من دم رگبتك حنـيت الچفوف
ياوليدي بهالحاله لا تخليني
مادريت بكربله ترميني
حايره اليوم.... گللي مالوم
ــــــــــــــــــــــــــــــــــــــ
تـحملت آلام يابني وبيك وإنت طفل بعدك
وتعبت وسهرت ليلي واحسبت ل سنين عمرك
ذخر ضميتك يجاسم ولمشيب العمر ردتك

ظنيت تسعد مهجتي
وترد عليه لهفتي
بالغرب تسـمع نخوتي
وبالشدايد ردت اندبك

خيب آمالي الدهر بيك الأمل چان
والله دلالي إنفطر وموادع الحال
ردت من حگ الربه توافيني
ما دريت بكربله ترميني
حايره اليوم ..... گلبي مالـوم
ــــــــــــــــــــــــــــــــــــــ
ياثمر گلبي يجاسم بيك أنا زرعت الأماني
وملكت روحي ومهجتي واصبحت زهرة زماني
وبـالـسعاده گضيت عمري وياك ورضعتك حناني

ليش المنايه خطفتك
حرمتني لذة زفتك
عـزّت عليه شوفتك
آه من دهري رمان

يمه وافاك الأجل يا سلوة الـروح
وانگطع حبل الوصل والگلـب مجروح
شنهو ذنبي يادهر سابيني
مادريت بكربله ترميني
حايره اليوم.... گلبي مالوم
ــــــــــــــــــــــــــــــــــــــ
هيجت ياوليـدي حزني من طحت فوگ الوطيه
وين أدير العين ولمن أشـتكي بهاي الرزيه
واصبحت دنياي عگبك مـظلمه وتوحش عليه

ومصاب إلي حدر الـضلع
بالحومه جاسم منصرع
المن تـعلگون الـشـمـع
راح إبـنـي وماله جيه

راح جاسم شمعتي وبضيعـتي شلون
چنت يابني سلوتـي يانور الـعيون
ناري تلهب بالگلب تچويني
مادريت بكربله ترميني
حايره اليوم.... گلبي مالوم

الشاعر الشيخ كاظم علي الكربلائي

#اللهم_عجل_لوليك_الفرج

(130)

2.5K viewsedited 11:27

باز کردن / نظر دهید

2022-07-22 02:04:14 #تراث

يناعي المدينـه مـن تصـلها
هل دمـعك وصـيـح أبنزلها
وبالحســين اريد أتعزي اهـلـهـا
ولـو عرضة ام عباس گلـها
خافن تنشـدك عـن شـبلها
الله عليك تسولفلها
شبول الچ ما من مثلها
بطف كربلا أتعين كتلها
مــن تسمـع الحره الولها
أتكلـك ودمعتها تهلها
اولاد الي والناس كلـها
فدوه لبن سيد رسلها
عملـه الدهر بينه عملـها
ايد الكرم والجود شلها

الحاج المرحوم مُعين السباك

#اللهم_عجل_لوليك_الفرج

(129)

2.7K viewsedited 23:04

باز کردن / نظر دهید

2022-07-21 17:20:12 #تراث

شلون  ليله يودع حسين العقيله
تصيح  زينب بالحرم آنه الكفيله
زينب تودع وليها .. والفراگ يعز عليها
شلون ليله
ــــــــــــــــــــــــــــــــــــــ
چني أسمع صوت زينب بالأفلاك السبعه يدوي
ومن استار الخدر يظهر يصعد العالم العلوي
يا إلهي وهذا عهدي گبالي چالمصباح يضوي

وهاي المصيبه الراتبه
بعالم الذر مرتبه
وبسمعي صوت النايبه
من مصادر عهدي يروي

شلون ليله فرگت شمل الهواشم
ومن يطر فجر المصيبه ينهدم عز الفواطم
والمصيبه عالميه.... خيمت بالغاضريه
شلون ليله
ــــــــــــــــــــــــــــــــــــــ
اشما اوصف خدر زينب وحگ زينب ما اغالي
بگلب صيوان الرساله مركز بقمة معالي
مستر ابيض الهنادي مركز بسمر العوالي

ولن  گوس الموادع رمى
سهمه بگلب بت فاطمه
صاحت وعالهم كاظمه
رخص دمعي الچان غالي

شلون ليله ليله أخطار ورهيبه
شحال زينب باچر تصبح غريبه
والغرب بين علي .. محيره وشيطح بديه شلون ليله
ــــــــــــــــــــــــــــــــــــــ
ليلة وداع الهواشم مامثلها تصير ليله
ومثل ونة گلب زينب ماعلت ونة ثجيله
مو وداع تگول جمرة بگلب مكفول وكفيله

سيوف الفراگ الحاسمه
ونار الطفوف المظرمه
وسهامها المتراكمه
كلهن بگلب العقيله

شلون ليله وعالحرم بين خطرها
هاي التودع إبنها وذيچ التوادع ذخرها
هلله هلله ياكفيلي..بهالوداع إنهدم حيلي
شلون ليله
ــــــــــــــــــــــــــــــــــــــ
بهدوه من ليلة العاشر زينب اخوتها اعتنوها
ونگلوا جدام الوداع وللوديعه يودعوها
تضرب اليمنه على يسره البت رسول الله لگوها

من شاهدت شمس وگمر
والنور بالخيمه زهر
گامت ومحنيه الظهر
وعرضت الحال على اخوها

شلون  ليله وزينب تفارگ خدرها
والنوايب ذوبن شمعة نضرها
هلله هلله شحال زينب..تفارگ الخدر المرتب
شلون ليله
ــــــــــــــــــــــــــــــــــــــ
تعلم بصدره يتكسر والشمر يگطع وريده
حبته بصدره وتشمه وردت انوب العضيدة
هاك روحي وجيب روحك وانه عنك مو بعيده

ومدت چفوف العاطفه
وتجلب چفوف الوفه
وصاحت على الدنيا العفى
لا تخليني وحيده

شلون ليله زينب تگضي ويا أهلها
تشم الحسين بوريده تگلب چفوف الكفلها
گسمت إلها الشريعه ...وشافت اجفوف الگطيعة
شلون ليله
ــــــــــــــــــــــــــــــــــــــ
چني  أتصور خيمكم تسعر النيران بيها
وچني أتصور حرمكم عگب عزها ميسريها
وعلى النوگ الهزل تمشي وبالحبال امجتفيها

شيطفي  نار الفاجعه
والمرضعات اللايعه
ساعه  وتضيگ الواسعه
لو حدى الحادي بسبيها

شلون  ليله وزينب تفكر بأمرها
شهالمصيبه تحسب حساب اليسرها
زينب وصابر گلبها ..بالغرب يرعى هربها
شلون ليله
ــــــــــــــــــــــــــــــــــــــ
هالله هالله شهالوداع الزلزل العالم رهيبه
وگوس المفارگ اسهامه الگلب المفارج تصيبه
وفاضت دموع المحنه وخمدت نار المصيبه

وگلوب العيال بفزع
بس گلب زينب ما جزع
صدت على إخوتها بورع
والمخاطر ما تهيبه

شلون ليله والملك تنعى بسماها
غربت شمس الديانه وانحجب بالطف ضياها
دنت ساعات المصيبه..وصارت العالم بريبه
شلون ليله

الحاج المرحوم كاظم منظور الكربلائي

#اللهم_عجل_لوليك_الفرج

(128)

2.7K views14:20

باز کردن / نظر دهید

2022-07-20 15:43:01 #تراث
لهلال شهر محرم

هلَّ المحرّمُ فاستهِلَّ مُكَبِّرا
واِنْثُرْ به دُررَ الدّموعِ على الثّرى
واِنظُرْ بغُرّتِه الهِلالَ إذا اِنجَلى
مُستَرجِعاً متفجِّعاً متفكّرا

واِقطِف ثِمارَ الحُزنِ من عُرجونِه
واِنحَر بخَنجَرِه بمُقلَتِك الكَرى
واِنْسَ العَقيقَ وأُنْسَ جيرانِ النّقا
واِذْكُر لنا خبرَ الصّفوفِ وما جَرى

واِخلَع شِعارَ الصّبرِ منك وزُرَّ مِنْ
خِلَعِ السَّقامِ عليكَ ثوباً أصفَرا
فثِيابُ ذي الأشجانِ أليَقُها بهِ
ما كان من حُمرِ الثّيابِ مُزَرَّرا

شهرٌ بحُكمِ الدّهرِ فيه تحكّمتْ
شَرُّ الكِلابِ السّودِ في أسَدِ الشّرى
للّهِ أيُّ مُصيبةٍ نزلَتْ به
بكَتِ السّماءُ لها نجيعاً أحمَرا

خطْبٌ وهَى الإسلامُ عندَ وُقوعِه
لبِسَتْ عليهِ حِدادَها أمُّ القُرى
أوَ مَا ترى الحرَمَ الشّريفَ تكادُ من
زفَراتِه الجَمَراتُ أن تتسعّرا

وأبا قُبَيس في حَشاهُ تصاعدَتْ
قبَساتُ وجْدٍ حرُّها يَصلي حِرا
علِمَ الحطيمُ به فحطّمَهُ الأسى
ودَرى الصّفا بمُصابه فتكدّرا

واِستَشْعَرَتْ منه المشاعِرُ بالبَلا
وعَفا محسَّرُها جوىً وتحسَّرا
قُتِلَ الحُسينُ فيا لَها من نَكبةٍ
أضحى لها الإسلامُ منهدِمَ الذُّرا

قتْلٌ يدلُّكَ إنّما سرُّ الفِدا
في ذلك الذِبْحِ العظيمِ تأخّرا
رُؤيا خليلِ اللّهِ فيهِ تعبّرَتْ
حقّاً وتأويلُ الكِتابِ تفسّرا

رُزْءٌ تدارَكَ منه نفْسُ محمّدٍ
كَدَراً وأبكى قبرَهُ والمِنْبَرا
أهدى السّرورَ لقلبِ هِندٍ واِبنها
وأساءَ فاطمةً وأشجى حيدَرا

ويلٌ لقاتلِه أيدري أنّهُ
عادى النبيَّ وصِنوَهُ أمْ ما دَرى
شُلّتْ يَداهُ لقد تقمّصَ خِزيةً
يأتي بها يومَ الحِسابِ مؤزَّرا

حُزني عليه دائِمٌ لا ينقضي
وتصبُّري منّي عليَّ تعذَّرا
وا رَحمَتاهُ لصارِخاتٍ حولهُ
تبكي لهُ ولوَجْهِها لنْ تَسْتُرا

ما زالَ بالرُّمحِ الطّويلِ مُدافعاً
عنها ويكْفَلُها بأبيضَ أبْتَرا
ويَصونُها صونَ الكريمِ لعِرْضِه
حتّى له الأجَلُ المُتاحُ تقدّرا

لهفي على ذاكَ الذّبيحِ من القَفا
ظُلْماً وظلّ ثلاثةً لن يُقْبَرا
مُلقىً على وجهِ التُرابِ تظنّه
داودَ في المحرابِ حينَ تسوّرا

لهفي على العاري السّليبِ ثيابُه
فكأنّه ذو النّونِ يُنبَذُ بالعَرا
لهفي على الهاوي الصّريعِ كأنّه
قمرٌ هَوى من أوجِه فتكوّرا

لهفي على تلكَ البَنانِ تقطّعتْ
لو أنّها اِتّصلَتْ لكانتْ أبحُرا
لهفي على العبّاسِ وهو مجنْدَلٌ
عرضَتْ منيّتُهُ له فتعثّرا

لحِقَ الغُبارُ جَبينَهُ ولَطالَما
في شأوِه لحِقَ الكرامَ وغبّرا
سلَبَتْهُ أبناءُ اللِّئامِ قميصَهُ
وكَسَتْهُ ثوباً بالنّجيعِ معَصْفَرا

فكأنّما أثرُ الدِّماءِ بوجهِه
شفقٌ على وجهِ الصّباحِ قد اِنْبَرا
حُرٌّ بنصرِ أخيهِ قام مُجاهِداً
فهَوى المَماتَ على الحياةِ وآثَرا

حفِظَ الإخاءَ وعهدَهُ فوفى له
حتّى قضى تحت السّيوفِ معفَّرا
مَنْ لي بأن أفدي الحُسينَ بمُهجَتي
وأرى بأرضِ الطّيفِ ذاك المحْضَرا

فلوِ اِستطَعْتُ قذَفْتُ حبّةَ مُقلتي
وجعلْتُ مدفِنَهُ الشريفَ المَحجرا
روحي فِدى الرّاسِ المُفارِقِ جسمَهُ
يُنشي التِلاوةَ ليلَهُ مُستَغفِرا

رَيحانةٌ ذهبَتْ نضارةُ عودِها
فكأنّها بالتُّربِ تَسقي العَنْبَرا
ومضرّجٍ بدمائِه فكأنّما
بجُيوبِه فتّتَّ مِسكاً أذْفَرا

عَضْبٌ يدُ الحِدثانِ فلّتْ غَربَهُ
ولَطالما فلقَ الرؤوسَ وكسّرا
ومثقّفٍ حطَمَ الحِمامُ كُعوبَه
فبكى عليهِ كلُّ لَدْنٍ أسْمَرا

عَجباً له يشكو الظّماءَ وإنّه
لو لامَسَ الصّخرَ الأصمَّ تفجّرا
يلِجُ الغُبارَ به جَوادٌ سابِحٌ
فيَخوضُ نَقعَ الصّافِناتِ الأكْدَرا

طلبَ الوصولَ إلى الوُرودِ فعاقَهُ
ضَرْبٌ يَشُبُّ على النّواصي مِجْمَرا
ويلٌ لمَنْ قتَلوهُ ظمآناً أمَا
علِموا بأنّ أباهُ يَسْقي الكَوثَرا

لم يَقتُلوهُ على اليقينِ وإنّما
عرضَتْ لهُم شُبَهُ اليهودِ تصوُّرا
لعنَ الإلهُ بَني أميّةَ مِثلما
داودُ قد لعنَ اليَهودَ وكَفرا

وسَقاهُمُ جُرَعَ الحميمِ كما سَقَوْا
جُرَعَ الحِمامِ اِبْنَ النّبيِّ الأطْهَرا
يا لَيْتَ قومي يُولَدونَ بعصْرِه
أو يسمعونَ دُعاءَهُ مُستَنصِرا

ولوَ اِنّهُم سمِعوا إذاً لأجابَه
منهُم أُسودُ شَرىً مؤيَّدَةُ القُرى
من كلِّ شهمٍ مهدَويٍّ دأبُه
ضرْبُ الطُّلا بالسّيفِ أو بَذْلُ القِرى

من كلِّ أنمُلةٍ تجودُ بعارضٍ
وبكلِّ جارحةٍ يُريكَ غضَنْفَرا
قومٌ يَروْنَ دمَ القُرونِ مُدامةً
ورياضَ شُربِهم الحديدَ الأخضَرا

يا سادَتي يا آلَ طهَ إنّ لي
دَمعاً إذا يجري حديثُكُمُ جرَى
بي منكُمُ كاِسمي شِهابٌ كلّما
أطفَيْتُهُ بالدّمعِ في قلبي وَرى

شرّفتُموني في زكيِّ نِجارِكُم
فدُعيتُ فيكُم سيّداً بينَ الوَرى
أهوى مدائِحَكُم فأنظِمُ بعضَها
فأرى أجلَّ المَدْحِ فيكُم أصغَرا

ينحطُّ مَدحي عن حقيقةِ مدحِكُم
ولوَ اِنّني فيكُم نظَمْتُ الجَوهَرا
هَيهاتَ يَستوفي القريضُ ثناءَكُم
لو كان في عددِ النّجومِ وأكثَرا

الشاعر شهاب الدين بن معتوق الموسوي

#اللهم_عجل_لوليك_الفرج

(127)

2.6K viewsedited 12:43

باز کردن / نظر دهید

2022-07-18 15:01:48 #تراث

في عيد الغدير

اهل الفن الأدب واربـــاب الشعور
اليوم رفعت للسلام اعلامها
تحتفل بسـم الحـمـل مشـعـل النـور
حيدر الـبـي كمـل ديــن السـلامها
ــــــــــــــــــــــــــــــــــــــ
اليــوم حـك أهـل المجـارم تحتفـل
وحگ يغـــرد بالهنـه غـريــدهـا

تحتفل بسم الوضـع نهج العـدل
وحگ تعيـد والمبـارك عيـدها

وبــي تهـني المصـطفى سيد الرسـل
وخـل يصـل للسـما السابع ويــــدهـا

وتهتف فالتحيـا يمحطـم الجـور
وخطـة الحكـ والعــدل رســـــامها
الاحرار الحكمـت بكـل العصـور
خذت مـن حـكـم الصميدة احكامها
ــــــــــــــــــــــــــــــــــــــ
أنـــجـان بالعــالم دوه صـوت الســلم
والاحـــــــرار تنعمت بحگوگهـا

ياهو حررهـا انشـد مـن اهـل الـعلـم
ويــاهـو حـطـم گـيـد ذلـهـا وطوگهـا

لـون مـا نهـجـك يـبـو الحملـه الشـهم
چا تحتهـا الضـلم صـار وفوگهـا

صرت للاحـرار يـا سـاكن الطـور
مثـــل يالحققـت كـل احلامهـا
يا عـلـي منهجـك گنـطـرت العبـور
العــبـر بيـه يـخلص مـن اعـدامها
ــــــــــــــــــــــــــــــــــــــ
يـا علـي منهجـك قاعـدة السـلام
لليريـد الســلم والعـز والضـفر

واحنـه مـن منهـجـك نترجـه النضـام
نهـج سـلمي وسـالـم ومـا بـي خـطـر

اخـذ مـن مـنـهـج علـي عيــن المــرام
والسعادة بجانبـه طـول الــدهـر

هـاي خـطـة حيـدر الحـر الجسـور
الحــيرت كتابهـا وعلامها
والاحرار اشما تقدم دور دور
تشـوف خطـة حيـــدره جـــدامها
ــــــــــــــــــــــــــــــــــــــ
خـوش مـنـهـج نـهـج چشـاف الـكـرب
نهــج اصــلاح اوعلـى إبكــل الادوار

ذهـــــل كــتـــاب الأعـاجم والعــرب
وبعـد جـم عـالـم بعـالـم بـي إحـتـار

نـهـــــج ديـــــــني وفرعــه حـريــه وادب
ومنـه صـارت لـو جنـت تـسـمـع أحـرار

انــچان بالعـالم وجـد حـرٍ غـيـور
يزيـــل عــن هــاي الحقيقـة الثامهـا
يـبــين الأهـل الأرض وأهـل البـحـور
نهــج حـيـدر والتخـالف لامها
ــــــــــــــــــــــــــــــــــــــ
اخـذ نـهـج المرتضـى وخـذ سيرته
وادرس احكامـه ابصيره وفـاكره

وطبــق دروسـك (إبعمـه وهـل اتـى)
تشـوف چنك لبـو حسين إمعاصـره

لچـن غـض النظـر عـن كـل بيـعتـه
والغـدير اشصـار بيـه ومـا جـره

تهيج الســاكن وتجــرح بالصـدور
والـــدليل يـــذوب مـن آلامها
اشلون اكـول اشـلـون تـنـدار الأمـور
النـاس مـا سجدت لغـيـر اصـنامها
ــــــــــــــــــــــــــــــــــــــ
والله يـا بيعـة علـي بيــــوم الـغـدير
اصـل صـارت للنوايـــب والظلـم

عـلـي بـأمر الله علـى الأمـه أمـير
اشـلـون چـا للغـيـر يـنـدار الحكـم

هـاي مـا يقبلـهـا كـل صـاحب ضمير
وصـارت علـى الـدين والعـالـم جـرم

لامـــره تاليهـا لصحاب الفجـور
والاكــرام إتلجمـــت بالجامهــا
الحكـم بيـد الربـع طوبـه ويـدور
الـدين كـوض لـو بـكـه مـوهـامهـا
ــــــــــــــــــــــــــــــــــــــ
اردك اكــول اشصــــابهم وشحصـلوا
غـيـر لـبـس العـار والـذل والفشـل

وشــبـگـه بـــديـارهـم مـــن ارحلــوا
طيـب مـا مـش لـچـن ورد واعالوجـل

وعـن علـي أهـل المعـالم عللـوا
كـــالو ايلـــوك الـعلـي خـير العمـل

بعـد وي خير العمـل كـالـو صـبور
عـالمچــــربـــات وصـعيب ايامهـا
بعـد كـالـوا لـعـد كـل مـرعـوب سـور
حيـــدر ويــوم الشــدد وهامهـا

الحاج المرحوم مُعين السباك

#اللهم_عجل_لوليك_الفرج

(126)

2.8K viewsedited 12:01

باز کردن / نظر دهید