2021-07-28 17:33:55
شوفت فيديو بيقول إن الحب الحقيقي بييجي بعد تجربتين..
-الحب الأول واللي بيكون حب الطفولة، الحب اللذيذ المُمتع اللي أول مرة بنختبر فيه المشاعر اللذيذة دي وعنينا تطلع قلوب والدنيا وردي حوالينا، وبينتهي مجرد ما نكبر ونعقل وكل واحد طِباعه بتتكون وشخصيته بتبدأ تكون مختلفة عن الطرف التاني، بس بيفضل ذكرياته الطفولية معانا.
-بعدها تاني حب .. الحب الصعب..
اللي بنكون مفكرين انه الاختيار الصح ، اللي بنكون فيه مبسوطين بالبداية وطايرين، وهوب نقع على جدور رقابنا، بنتألم ونتوجع ويتمسح بقلوبنا الأرض، بنعرف فيه الكدب وسوء المعاملة والخيانة،
يجيلنا مشاكل ثقة ونترعب نقرب من أي مخلوق تاني ونتعقد ونفضل موجوعين بسببه، بس بنطلع متعلمين، وعارفين نفرق بين الوحش والحلو، بين المناسب واللي مش مناسب.
بييجي بقى الحب الحقيقي، بعد ما اتدعكت واتوجعت وعيطت ، تكون نضجت واتعلمت كويس اوي وأخدت الخبرة، ف الغالب بيكون شخص قولت مستحيل أقربله، بيبقى بالنسبالك مش مناسب يكون حبيب وبتاخد كل احتياطاتك معاه، وهوب تقع..
مبتدورش عليه، هو بيجيلك وحده، بتلاقي نفسك بتشاركه كل حاجة وتتوه معاه اكتر وأكتر..
بتلاقي معاه الأهم من الحب، الراحة والأمان والتَقبل، بتبقى عاوز تبني حياه معاه وعيلة وأطفال..
وساعتها بقى بتكون وصلت للبّر فعلاً بعد توهتك مدة طويلة جوا البحر..
-حياه حسن.
492 viewsحياه حسن., 14:33
ح
