2022-06-16 08:56:20
واقبلت ايام العشق والخدمه
خدام خدام لأبنچ فاطمة
********
أحنه يالزهرة نموت على الشعائر
خدمة ابنچ للحشر بيها نفاخر
تشهد علينه أمس كل السواتر
لجل حبكم فاطمة انطينه مناحر
أبطال أبطال وكت الموزمة
*******
من يجي عاشور يتغير وضعنه
اجنه نسكت واليسولفلچ دمعنه
احنه لوما هالشعائر چان ضعنه
حاربونه والله يشهد ما رجعنه
وعليهم هناك تنصب محكمه
*******
احنه ما عافتنه يالزهرة المصايب
بس وحكَ حسين ما عفنه المواكب
نطبخ ونلطم على عناد النواصب
يصيرشاب البالعزاء تشوفه شايب
محظوظ هذا اللحسين انتمه
*******
نموت يالزهرة لجل هاي العقيدة
الشيعي أول ما يقدملكم وريدة
ألف هنيالة الخدمكم عاشت ايدة
غير حب حسين باچر ما يفيدة
هنيالة من نال هاي المكرمة
*******
والله ما ننسه مصاب الغاضرية
يوم زينب عالهزل راحت سبية
تشهد بحبنه النجف والكاظمية
نبقه ماشين على خط المرجعية
تحفظها ننخاك يارب السمة
*******
بالطفوف حسين اعلن انتصارة
بالملايين التجي بيوم الزيارة
الكون كله وين أكو هيچي منارة
خل يجي يشوفه اليدورعالحضارة
يفخر على الناس باچر خادمة
*******
قبل لا اصيرن ابو اليمه هويته
الله ينساني اذا حبه نسيته
حسين أول واحد بروحي لكَيته
تسوه كل عمري اذا زاير اجيته
بحسين للموت روحي هايمه
*******
حيدر حسين الكَرعاوي
86 views05:56