جمعتين البيهه حارت شيعتك جمعة الكاظم وجمعة طلعتك يا مهدي | الشاعر حيدر حسين الگرعاوي

جمعتين البيهه حارت شيعتك
جمعة الكاظم وجمعة طلعتك
يا مهدي يا مهدي
****
شيعة الكاظم تتاني على الجسر
خمس طعش عام لطلعته تنتظر
واحنه يا مولاي مل منه الصبر
چوت كَلوب الحبايب غيبتك
**
همه اجاهم سيدي منه جواب
وانته منك ما اجه غير الغياب
والله يامهديه عيشتنه بعذاب
كلها تتنطر يغايب جيتك
***
من السجن جدك اجه منه أمل
وانته كل ساعة نناديك العجل
كل خبر مولاي منك ما حصل
يمته بالكوفه ترفرف رايتك
*
همه فرحو يوم سمعو طلعته
وألتقت احبابه بيه وشافته
جمعتك لكن فرق عن جمعته
ماكو بالعالم مثلها غربتك
***
الكاظم الدنيا تزورة بمرقده
هالسجين شلون ربك خلده
ماكو مثلك دوم عايش وحده
نحورنه التنزف عجب ما هزتك
****
خبر عندك عاليصير وعالجرة
بينه كل يومين صارت مجزرة
جيوش كل الدنيا ألك متحضرة
كَوم واكَلبهاَ كلب بالعادتك
***
كل علامات القريناها جرت
والدول يالمهدي كلها تحضرت
ليش بس راية ظهورك ما اجت
احنه يالمهدي امانه برگبتك
**
قتل كل شعتكم أتخذو قرار
بكل بلد شيعي يريدون الدمار
عليك ابو السجاد كافي الأنتظار
وصلو لمرقدها زينب عمتك
****
والله لو ما هالمراجع بالنجف
چان يالمهدي استباحو كل شرف
كَوم لينه برايتك واهل الكهف
والله نباع لومــــا حوزتك
***
حيدر حسين الكرعاوي