ميمر كربلائي *** شكَدننتظر راح العمر يالمهدي موكافي الص | الشاعر حيدر حسين الگرعاوي
ميمر كربلائي
***
شكَدننتظر راح العمر يالمهدي موكافي الصبر
يا جُمعة جيشك مولاي لأرض العراق تجيبـه
*****
كلمن يغيـــب يــعود يوم لــدارة
وما تنكَطع مثلك يمهدي أخبارة
يمته يجي لمكه ويصيح انصارة
فوكَ النهر يم الكَمر راية الكم وكسرة ظهر
مُر على عبدالله وياك عطشان لسه كَليبه
****
من الظلـــم يبن الحسن ملينــه
شوكَ السبــاية لكربله أشتاكَينه
كَــل للخضر يا سيـــدي يدلينــه
نشوفك صدكَ ما نفتركَ چي انت بي كَلبي يدكَ
آمنه يالمهدي وبيك ما عدنه شك وريبه
****
شكَدها رقيـة وعالهزل يسبوهه
چم كَبـــه ألكم سيدي هدمـــوهه
يردون كل شيـــعتكم يذبــحوهه
حتى الطفل هم ينقتل ابنادم يدفنونه عدل
يومية طــاغي وذباح ويتفنن بتعذيبـــه
****
طال الوعد يبن الحسن شمتانــي
حَضر جيوشة لجيتك السفيانـــي
كل شيعي عدهم رافضي وأيرانـي
وعلى الحشد زادالحقد يحبوك ذولة شتعتقد؟
مالت حركَ يالموعود مو مــال رأفـهَ وطيبة
****
هواي أختلفنه وطشرتنه الأحزاب
يالمهدي والمذهب بعد ما ينهاب
الننتَخبه يطلـع يابو صالح چذاب
أكثر وطن شابع محن من البچي عيونه عمن
أطفاله يوميه تموت والطفل شيب شيبه
****
هذا العراق بأيـــــدهم لتعوفـــه
يمته بيمينك ذو الفقار نشوفــه
يبن الحسن مشتاكَه موت الكوفه
يبن الحُجج يمته الفرج محروكَه يالمهدي المُهَج
شسَوه الفراكَ بيعكَوب طالت يمهدي الغيبة
****
لأرض البقيع شوكت تاخذنه وياك
ياكَبر ضـــايع لسه يالمهدي هناك
سامرة يبن العسكري شكَد تنخاك
ينخه الدمع تنسه الظلع چم نحر ألكم منكَطع
خيام وسباية وچفين شايل شچم مصيبة
****
صَعَدنه چم واحد وبــاكَ العدنــه
يالمهدي غيــرك محد يوحدنـــه
يمته نشـــوفك بالنجف قائدنـــــه
كلمن حزب بوكَ وچذب ببيوتنه نحس بالغُرب
هذا الوطن كله جروح رد للعراق الهيبـــــة
****
حيدر حسين الكَرعاوي
https://t.me/hhaaiiddeerr2019
