حتى ما يوكَــــع بلدنه يالله نوكَف وي حشدنه ****** للأبد | الشاعر حيدر حسين الگرعاوي

حتى ما يوكَــــع بلدنه
يالله نوكَف وي حشدنه
******
للأبد ما تنتهي أحقــــادهم
توارثوهن ذني من أجدادهم
وَصَو بذبح العراق ؟أولادهم
طلعو أضرب من أمس أحفادهم
وأحنه متشتت عددنه يالله نوكَف وي حشدنه
*******
ذولة ميتوبون وألهم رده
لازم نجَهز العدد والعُده
نصير أيد ويالمراجع وحده
الوطن ما ينهاب غير بولده
وأحنه بيهم نحمي حدنه يالله نوكَف وي حشدنه
*******
والله يا شيعة الوطن يستاهل
لـــون يوميـــه عليه نقاتل
حسين هوه وأنتوصيرو الكافل
مو شريف العالعراق يجـــامل
الوي داعش صارضدنه يالله نوكَف وي حشدنه
*******
آنـي عنده رافضي وأيراني
الأمس فاتح بيته للشيشاني
چم يزيد علينه يرجع ثاني
لون ما سيد علي السيستاني
نشكر الله حوزة عدنه يالله نوكَف وي حشدنه
*******
الشعـــــائر لا تفرط بيها
حتى لو كنــه نموت عليها
بعد هاي الكَـــاع ما ننطيها
المهدي باچر رايتــه نتانيها
عالعهد يدري بعدنه يالله نوكَف وي حشدنه
*******
أحنه ردناهم وما يردونــه
همه كل غايتهم يحكمونــه
ولذالك رادو يقَسمونـــه
حتى واحد واحد يذبحونه
لازم يخضر وَردنه يالله نوكَف وي حشدنه
*******
دير بالك تنطي يوم بدينك
مذهب أهل البيت خله بعينك
حسين غالي لا تعوف حسينك
لأبو اليمه انطــي كل سنينك
حتى ما واحد يردنه يالله نوكَف وي حشدنه
*******
لون ما هُمه الوطن ظل حاير
عافو الدنيا ومشــو للساتر
يريد كَلهُم دين حيدر ناصر
لأبو محمد رضا كَــالو تآمر
أنت قائدنــه وسندنــه يالله نوكَف وي حشدنه
*******
أرواح أنطو بيمن نوافيهم
بدمهم يضحون ونسب بيهم
صوَرهم نمزكَهه؟ وإنعاديهم
نصير وي الي ذبحنـه عليهم
ذوله أخوتنه اولدنه يالله نوكَف وي حشدنه
*******
حيدر حسين الكَرعاوي