العليلة فاطمة ..ع بوية وين       رايح وماخذ حياتي بوية وي | الشاعر حيدر حسين الگرعاوي

العليلة فاطمة ..ع


بوية وين       رايح وماخذ حياتي

بوية وين       شعطل عليه مماتي

تاكل بروحي المصيبة       هذا من يترك حبيبة

********

نفس مالي من اطب للدار خنكَه

الچانت مضويها وجهك بيها شلكَه

بيمن اتصبر يبوية وكلي حركَه

روحي شجرة وراح اموتن وركَه وركَه   

بكَلبي آه       تترس الدنيا مناحه   

بكَلبي آه       واني مو مالت نياحه   

والصبر من وين اجيبه        هذا من يترك حبيبة

********

النوم ما شافته عيوني ولا يجيني  

يغركَن عيونك اذا تسمع ونيني

يبو اليمه صورتك متعوف عيني    

شكثر يبچي الليل اذا يدري بحنيني

آ يليل       هون عليه دخيلك

آ يليل        حيل اخافن منه ليلك    

حسين موتني مغيبىة        هذا من يترك حبيبة

********

بوية چانت شوفتك كلشي بحياتي   

ظاله المن بوية مو ماخذ خواتي

شكثر ادعي وابچي يحسين بصلاتي

لو تجيني  انت لو يحضر مماتي

ما تعود       لمن تروح الليالي

ما تعود      يبچن عيوني على حالي

هم مثل زينب غريبة        هذا من يترك حبيبة

********

ليش احسن بوية منك ماكو جية   

كَمت ألطم بوية من هسه بأدية

هواي ازغر مني موماخذ رقية

ماخذتني وياك لأرض الغاضرية

من مشيت       يبس حتى الشوف مني  

من مشيت       وني ظل يبچي على وني  

يقهر الفاكَد نحيبة        هذا من يترك حبيبة

********

طول دربك للطفوف بطول ليلي

وانتظر بلكن خبر منك يجيلي

شيب اول ما رحت بوية دليلي

چنت كلما اصيح بسمك تعتنيلي

لا تروح       احچي ظليت ويروحي

لا تروح       تسولف جروحي وجروحي  

والكَلب يسعر لهيبه        هذا من يترك حبيبة

********

بوية عالباب شكثر اكَعد واتاني   

لا اجيت انت ولا موتي اجاني

لا عشت يابوية من بعدك عساني

من الزغر شيبني بغيابك زماني

بوية ليش        من رحت للغاضرية

بوية ليش       ماخذتني وي رقية

باچر خدودك تريبة        هذا من يترك حبيبة

********   

حيدر حسين الكرعاوي