على لحن ملا باسم... عليك بداعة العباس حاجيني. ~~~~~~~~~ يوم | الشاعر حيدر حسين الگرعاوي
على لحن ملا باسم...
عليك بداعة العباس حاجيني.
~~~~~~~~~
يوميه عليكم يبچن عيوني
باچر من أموتن لا تعيفوني
**********************
يحسين أنت بيه من الزغر عــالم
من جابتنــي أمي وعرفت الــوادم
شرَطت عليهه أصير من الزغرخادم
ناذر روحــــي حد ما يظهر القـــائم
تسوه الدنيا اذا خادم يسمونــــي
**********************
يمالك كل عمرنه وعـــايش ويـانه
أحنــه بلا وجودك ظلمه دنيـــــانه
كل عاشـــور متحزمين تلكَانـــــه
يوم نموت حاشــــه هناك تنسانـه
اتنـــوع لدربك من يشيعونـــي
**********************
كَضينــــهَ عمارنه يحسين ويـاكم
شكثر من عدنه ذبحو حتى ننساكم
نهواكــم نظـــل للموت نهواكـــم
تركنــــه الدنيا كلهـــا وما تركناكم
ما عوفـــن خدمتك لو يذبحونــــي
**********************
وحكَ بنتك رقيَــة ولوعة سكينــه
أزيد من عشــكَ عابس بعد بينــه
الله شــــكَد نِعم يحسين منطينــــه
وأعظم نعمة بيهن خدمــة حسينه
عليها هناك بالمحشر يحسدونـــي
**********************
ملوك بخدمتك بين البشر صرنــه
عنكم مـــا كَـــدر واحد يغيرنــــه
على حبنـــه ألك تشهد سواترنــه
المَرجع ناده وأنطينــه مناحرنــه
الحميت أعراضهم لسه يشتمونــي
**********************
يجينه الموت باچر والكَبر ظلمـــه
وأحنه أعمالنه تفشل يبو اليمـــه
ألف موته يموت الأنتــه مو يمـــه
ترد الروح لمــن عطرك أشتمـــه
وأدري ما تخيب باچر ضنونــــي
**********************
بيه شــــلون لو دفانــي يدفنـــي
وأصحابـي وأهل بيتي مشت عني
أمَشــي عليك زينب لا تضيعنـــي
لا تتبـــره باچــــر بالحشر منــــي
دخيل حسين أكَلهم من يسئلونـي
**********************
أذا مَنكر سئلنـــــي وأنت مو يمي
أراوي فاطمــــة باچر أثــر لطمـــي
وأكَلهه شكَد مشه مشاي ألك جدمي
آني من المهد نذرتنــــي ألك أمي
وي مَنكر لـــوحدي لا تخلونــــي
**********************
حيدر حسين الكَرعاوي
https://t.me/hhaaiiddeerr2019