نموت ومنكم ما نتبرة ****************** يهل البيت وحبكم واجب | الشاعر حيدر حسين الگرعاوي

نموت ومنكم ما نتبرة
******************
يهل البيت وحبكم واجب
من حيدر للمهدي الغائب
نبقه لأخر يوم نحارب
الحارب اولادچ يالزهرة
*******************
هذا الحب من الله الخالق
والي يحبكم اصدق عاشق
مأمن كَلبي وبيكم واثق
عِشرة وما نترك هالعشرة
******************
احنه وياكم ليل ونجمة
يا نور الله اليملي الظلمة
هذا الحب محد يفتهمه
بس اليعرف معنى الفطرة
******************
من نسمع بيكم نتنومس
من عابس هالحب تأسس
انبذه ومومن عدنه الوهوس
واليتغير عنكم فكَرة
******************
يالعترة انتم سر ايماني
نشعر هذا الحب رباني
ماشين بخط السيستاني
ندعي من الله يطول عمرة
******************
أله نظل للموت وياكم
خاسر ياويله العاداكم
هنياله الباچر بحماكم
من تشفعله هناك العترة
******************
عادونه سنين وما نرتد
ذبحو بينه ونرجع ازيد
يا رب بحبكم نتوحد
احنه اغصان وانتو الشجرة
******************
حيدر حسين الكرعاوي

https://t.me/hhaaiiddeerr2019