نبقه طول الزمن نلطم على الحسن سلامي أمامي | الشاعر حيدر حسين الگرعاوي

نبقه طول الزمن نلطم على الحسن
سلامي أمامي بلايهَ كَبه وصحن
********************
والله يحتار المُحب شيكَول كَلبه
الحسن چان المصطفى بثغره يحبه
منهدم كَبره يعالم شنهو ذنبه
مصايب اولاد النبي راسك تشيبه
واحد بلا نحر يمه طايح كَمر
وأميرة أسيرة تنسبي ويالضعن
**********************
ليش صار سنين ما واحد يجيلة
ياهو غيرك يابو صالح نشتكيلة
لسه يبچي على الحسن كَلب العقيلة
واحنه غير حسين ما عدنه وسيلة
نقسم بشيبته احسبنه من شيعته
بغربته وسبي اخته لمن تشتمن
**********************
يمته تشفه سيدي كَلوب الحيارة
وبالبقيع نشوفلك كَبه ومنارة
بالمواكب يمته نحييهه الزيارة
شكثر مولاي الفرج طال انتظارة
ننتظرها بشغف من يجي للنجف
ولينه يجينه وتنجلي هالمحن
**********************
الله أهل البيت ما خالق مثلها
حجارة كَبرك بس يعادل كل دولها
هيبه صيتك سيدي وربك خذلها
من الشوارب أمس حشد الله سحلها
زمرة نفس الحقد ماتو من الحشد
نشامة بكرامة شال راس الوطن
**********************
افترض للدوم ما يبنوله حضرة
كل عقلهم ما نجيله ولا نذكرة
للحسن كل شيعي ناذر ينطي عمرة
ويلي يا ويلي على المهشوم صدرهَ
ما مثل مصرعهَ جثته مكَطعهَ
سليبة مصيبة كل بناته انسبن
**********************
الحسن لسه ما هجع نوحه اونينه
بأبو اليمه چي سمع رضو جبينه
يعني ما شاف الكَمر مطفية عينه
ابو صالح عالمصايب هاي وينه
ما كَضت غيبته عجل بطلعته
مصايب يغايب جار بينه الزمن
**********************
حيدر حسين الكرعاوي


https://t.me/hhaaiiddeerr2019