2022-02-28 23:13:30
سلامات للجميع
هلأ عنا
1. Used to
2. Be used to
3. Get used to
والفرق بيناتهم من حيث المعنى و الصيغة لأنو صيغة الفعل الي بتجي بعدن مختلفة مو وحدة.
خلينا نبدأ ب used to
1. Used to + infinitive
النفي منها هو did not use to
و السؤال هو
Did you use to....?
طيب لشو منستعملا؟
منستعملا وقت نحكي عن عادة بالماضي. شي معين أو فعل معين كنا نعمله بالماضي بس هلأ بالحاضر توقف.
خلينا ناخد امثلة:
I used to drink 5 cups of coffee a day
السامع شو لازم يفهم من جملتي؟ هل انا لساتني عم اشرب ٥ فناجين قهوة لهلأ؟
الجواب هوي: بما إني استعملت used to drink فأنا عم خبر السامع إنو هالعادة انتهت وأنا هلأ ما بقا شربت ٥ فناجين قهوة.
مثال تاني:
I used to travel a lot.
يعني انا شخص كنت سافر كتير (بس هلأ يا حسرة بطلت السفر)
طيب السؤال هو:
هل بقدر استعمل used to مع جميع الأفعال؟ الجواب أي بقدر...فيني استعملا مع جميع أنواع الأفعال سواء كان الفعل state او action
خلينا ناخد امثلة ع كل حالة:
State verbs:
I used to have a car
Have (يملك) = state verb
المعنى: كان عندي سيارة (هلأ ما عندي)
I used to be fat
Be (كان / كنت) = state verb
المعنى: كنت سمينة (هلأ نحيفة)
I used to do sport every day.
Do (يمارس) = action verb
المعنى: كنت إلعب رياضة (هلأ لاء)
في فكرة حاطينها بالكتاب إنو would فينا نستعملا متل used to بالضبط (يعني منستعمل would) لنحكي عن عادة بالماضي....صح هالكلام...بس انتبهوا إنو مع would منستعمل نوع واحد من الأفعال و هوي ال action verbs فقط
الخلاصة:
Used to (all verbs)
Would (action verbs ONLY)
خلينا ناخد امثلة عن استعمال would
When I was a child, I would always play football with my friends.
وقت كنت صغير، كنت العب كرة قدم مع الأصدقاء.
Would + play (action verb)
طيب شو رأيكم بهالمثال:
I could not recognize him. He would not have a beard.
الجملة غلط مية بالمية لأنو الفعل (have) هو state verb و ما بيصير استعملو مع would لاحكي عن عادة بالماضي.
كيف بصحح الجملة؟ بتصير
I could not recognize him. He did not use to have a beard.
هيك صارت الجملة صح مية بالمية.
السؤال الاخير
إذا كانت used to بتحكي عن عادة بالماضي...طيب العادة بالحاضر او العادة اللي ما انتهت و استمرت للحاضر...كيف بعبر عنها؟؟؟
بستعمل الحاضر البسيط simple present
مثلا: أنا بلعب كرة قدم من وقت كنت صغير (من الماضي و لهلأ) شو بقول؟
I always play football. (كرة القدم هي جزء من حياتي)
نعمات حناوي
354 viewsنعمات حناوي, 20:13
ا
