انكليزي افتراضية

2022-02-28 23:13:30 هلأ عنا أربع أفعال 4 verbs هدول الأفعال مفزلكين كتير لأنو بياخدو بعدن أكتر من صيغة والمعنى بيتغير حسب الصيغة.

عنا الأفعال التالية:

Remember
Forget
Try
Need


رح نبدأ مع remember و forget

1. Remember / Forget

هدول الفعلين بيجي بعدن gerund و بيجي بعدن كمان to + infinitive

يعني اذا قلت
Remember to lock the door.
I remember locking the door.

الحالتين صح بس بس المعنى بيختلف

كيف؟
اذا استعملت to + infinitive بعد remember و forget بكون عم احكي عن شي رح يصير لاحقا. شيء لسه ما صار.

مثلا:

اليوم أمي قبل ما تطلع قالتلي:

Do not forget to water the plants

لا تنسي تسقي الزريعة.
صار؟ لاء لسه...قلنا لازم يصير لاحقا...الجملة عم تذكرني اسقي الزريعة بالمستقبل.

مثال تاني:

اليوم وقت رحت عالشغل اتصلت رفيقتي و عزمتني ع عيد ميلادها فقلت:

I hope I will remember to buy her a birthday gift.

ان شاء اتذكر اشتريلها هدية على عيد ميلادها.

اشتريت؟ لا لسه...حكينا انو الفعل رح يصير بالمستقبل.

تمام لهون؟

طيب شو مشان وقت بيجي بعد remember و forget الفعل مع ing يعني gerund...شو المعنى اللي بيعطيه؟

وقت نستعمل remember و forget مع ال gerund او فعل مع ing منكون عم نحكي عن شي صار بالماضي و انتهي و هلأ انا عم اتذكره...
يعني الفعل صار و مشي حاله و الشي اللي انا عم ساويه انو اتذكر الفعل.


خلينا ناخد أمثلة.
كنت سهران عالتلفزيون و فتحت ع mbc2 و طلع فيلم بس قلت لحالي:

I remember having seen this film before.

Remember + verb (ing)

ليش ing و شو المعنى هون؟

بتذكر إنو شايفة هالفيلم

شايفة الفيلم من زمان و هلأ طلع و تذكرت اني شايفتو.

مين صار بالأول "الفعل" ولا "إني تذكرت الفعل"؟؟؟
طبعا الفعل بالأول و تانيا هو تذكر الفعل.

صعبة؟

خلينا ناخد مثال تاني

I still remember seeing the pyramids for the first time.

لهلأ بتذكر لما شفت الأهرامات لأول مرة

شو المقصود؟

شفت الأهرامات بالماضي و هلأ عم بتذكر التجربة.
مين صار بالأول؟ "شفت الأهرامات".
مين صار لاحقا؟ "تذكرت التجربة".

مثال اخير.

دورت ع مفاتيحك طلعوا مو معك...قلت مستحيل كون نسيتن بالبيت لأنو
I remember locking the door.

بتذكر منيح إني قفلت الباب

الشخص قصدو انو المفاتيح ممكن يكونوا بالسيارة او الجاكيت. المهم ليش قال:

I remember locking the door.

لأنو قفل الباب بالأول و بعد كم ساعة تذكر انو قفل الباب.

الفعل "قفل الباب" هو فعل صار بالماضي قبل الفعل التاني و هلأ هو عم يتذكر انو قام بهالفعل.


2. Try
الفعل الثالث هو فعل try و كمان بياخد صيغتين مع تغير المعنى حسب الصيغة.

Try + to + infinitive

شو المعنى اللي بيعطينا ياه فعل try اذا اجا بعده to + infinitive

مناخد مثال:

I tried to learn how to cook .
حاولت اتعلم الطبخ. (بذلت جهد)

I tried to open the door but I couldn't.
حاولت افتح الباب بس ما قدرت (بذلت جهد)

معناتا فينا نقول انو منستعمل
Try + to + infinitive
لما منبذل جهد لنعمل شي سواء قدرنا او لاء

طيب و شو مشان
Try + gerund (ing)

مناخد مثال:
انت كل يوم بتحاول تنام بكير بس ما عم تقدر. اجي رفيقك أبو النصايح و قلك:

Try taking sleeping bills.
يعني جرب خود حبوب منومة.

شو المعنى هون؟
رفيقك عم ينصحك و انت رح تجرب. مو خسران شي.

مثال تاني:

طالب عم يسألني كيف بدو يحسن لغته...قلتله:
Try using some YouTube channels.

حاول تتابع قنوات يوتيوب بتستفاد. شو عملت انا؟ عم انصحه و عم قلو جرب اليوتيوب ممكن تستفيد.


3. Need
و آخر فعل عنا هو need و المعنى بيختلف حسب الصيغة اللي بعدو.

Need + gerund (ing)

تطلعت ع حالك بالمراية لاقيت شعرك طولان فقلت:
My hair needs cutting. It's really long.
هاد التركيب مبني للمجهول...يعني مو انا اللي رح قص شعري لوحدي.

My hair needs cutting. It's really long.
يعني شعري بحاجة للقص (لازم روح عالحلاق)

مثال تاني..
فتت عالمدرج بالجامعة...الدهان قديم و مكتوب عليه و مأنشح...قلت لحالك:

The classes need painting.
الصفوف بدها دهان جديد.

يا ترى انت رح تشمر عن سواعدك و تدهن؟ طبعا لا..مو شغلك. شو القصد ب

The classes need painting.
الصفوف بحاجة لحدا يدهنها.

الفكرة من need + gerund إنو الفاعل الحقيقي غير موجود بالجملة.

The classes need painting.
مين الفاعل الحقيقي؟ الدهان. و هوي غير موجود بالجملة.

My hair needs cutting.
مين الفاعل؟ الحلاق. و هوي غير موجود بالجملة.

تمام لهون؟
طيب و اذا قلنا
Need + to + infinitive

مثال:
I need to drink a cup of coffee before I start studying.

هاد الاستعمال الأساسي لفعل need و معناها انا بحاجة لفنجان قهوة

مثال تاني:
You need to study harder if you want to go college.
أنت بحاجة إنك تبذل جهد أكبر و تدرس أكتر. باز کردن / نظر دهید

2022-02-28 23:13:29 سلامات للجميع

قسمنا الأفعال ل ٣ مجموعات و قلنا:
١. في مجموعة افعال بيجي بعدها حصرا Gerund يعني فعل +ing

٢. في مجموعة تانية بيجي بعدا infinitive + to

٣ و في مجموعة تالتة بيجي بعدها infinitive بدون to او منقول عنو الفعل بحالة الصفر zero form.



عنا هلأ مجموعة من الأفعال ممكن يجي بعدا gerund و ممكن يجي بعدا infinitive + to من دون ما يتغير المعنى.

بهي المجموعة عنا ٣ أفعال فقط:
1. Begin
2. Start
3. Continue

خلينا ناخد امثلة:
It began to rain.
It began raining.

It started to rain.
It started raining.

I continued to study.
I continued studying.

مع هدول الأفعال الثلاثة بقدر استعمل بعدهم:
Gerund (فعل + ing)
و كمان بقدر استعمل
Infinitive + to

هل في فرق بالمعنى؟ لاااا ابدا.

It began to rain. = It began raining.
نفس المعنى تماما

It started to rain. = It started raining.
نفس المعنى تماما

I continued to study. = I continued studying. نفس المعنى تماما


تمام لهلأ؟ ممتاز

عنا مجموعة تانية كمان كتير صغيرة و فيها حسب الكتاب ٤ أفعال فقط. عنا:
Like
Love
Hate
Prefer

مع هدول الأفعال الأربعة بيجي عنا:
Gerund (فعل + ing)
و بيجي كمان
Infinitive + to
مع اختلاف صغير كتييير بالمعنى. المعنى مو نفسو بس الاختلاف صغير.

كيف؟
إذا قلت:
I like shopping.
استعملت هون ing لأنو قصدي بحب التسوق بشكل عام.

I hate studying.
بكره الدراسة بشكل عام.

طيب اذا قلت:
I like to shop with my friends.
يعني بحب التسوق مع الاصدقاء.
(هون عندي تحديد..بحب التسوق بس مع الأصدقاء مو بشكل عام).

I hate to study at home.
هون كمان حددت. انا بكره ادرس بالبيت.(ممكن الشخص بيحب الدراسة بس برا البيت بمكتبة او بالجامعة).

شو الفكرة؟
Love/hate/like/prefer + verb + ing
عم احكي بشكل عام

Love/hate/like/prefer + to + infinitive
عم احكي عن حالة محددة.

مثال اخير:
I love swimming.
بحب السباحة بشكل عام

I love to swim in winter.
بحب السباحة بس بالشتاء (حالة محددة)


Niemat Hinnawi باز کردن / نظر دهید

2022-02-28 23:13:29 سلامات

الصيغ اللاحقة للأفعال


القاعدة بتقول وببساطة:

اذا اجا فعلين ورا بعض مباشرة باللغة الانكليزية...فالفعل الأول بيتحكم بصيغة الفعل التاني.

كيف يعني؟
متل إذا عندك أخ اكبر منك...بدك تحترمو و تتعامل معو بطريقة لبقة. ليش؟ والله إجا قبلك بكم سنة

نفس الشي الأفعال...الفعل اللي بيجي أول....بيمون عالبقية و بيتحكم فيهم

مناخد مثال:
I enjoy reading novels.

الفعل الأول: enjoy
الفعل الثاني: reading

الفعل الأولى enjoy تحكم بصيغة الفعل التاني read و بناء عليه حطينا ing لأنو فعل enjoy ما بيرضى إلا إنو الفعل اللي بعدو يكون مع ing...


مناخد مثال تاني:
I want to drink some coffee.

الفعل الأول: want
الفعل الثاني: to drink

الفعل الأول want عم يتحكم ب drink و ع أساس هالحكي قلو بدك تجيب معك to وما بخلي الجملة صحيحة لتحط to...إجا drink وقلو امرك وهي to drink....

هالفعل drink ما عجبو التنمر اللي عند want قام راح لعند enjoy....طلع التاني اضرب و قلو بدك تنزل معي بنفس الجملة...بدك تحط ing....

زعل drink و قال ما إلي غير modals و رح روح لعندن... طلع كلامو صح...ما في غير الأفعال المساعدة ال modals هي اللي بتقبل الفعل ع حالو...بلا تنمر
و لذلك منقول
You should drink 8 cups of water every day.


الخلاصة...عنا ثلاث أنواع من الأفعال و بتتحكم بالصيغة اللي بعدا...

المجموعة الأولى

الأفعال اللي بيجي بعدها دائماااا و حصرياااا ing

بهي المجموعة عنا الأفعال بالكتاب ٢٠ فعل...بدنا نحفظن...و رح ناخد امثلة منهم:

Admit يعترف ب
The thief admitted stealing the ring.
(Admit steal + ing)

Give up يتوقف عن
I gave up smoking three years ago.
(Give up smoke + ing)

Mind يعترض على
I do not mind staying here for two more days.
(Mind stay + ing)

Suggest يقترح
I suggest having the party today.
(Suggest have + ing)

بقية الأفعال بدهم حفظ و بقترح نحفظهم مع مثال صغير.


المجموعة التانية

الأفعال اللي بيجي بعدا دائمااااا و حصرياااا to + الفعل بالمصدر

بهي المجموعة بالكتاب في عنا ٢٣ فعل كمان بدنا نحفظن مع امثلة...

خلينا ناخد شوية امثلة:

Decide يقرر
I decided to stay at home.
(Decide + to + stay)


Learn يتعلم
I am learning how to drive a car.
(Learn + to + drive)

Manage يستطيع مع صعوبة )هون مالها علاقة بالإدارة)
I managed to open the door.
يعني الباب ما كان عم يفتح بس بعد جهد...مشي الحال.
(Manage + to + open)

Happen
هاد الفعل هون مالو علاقة بكلمة "يحدث" لا من قريب ولا من بعيد و بيعطي نفس معنى الفعل اللي بيجي بعدو...هو عبارة عن مصطلح يستعمل لتقديم الفعل. كيف؟

Do you happen to have her phone number?
هل عندك رقم هاتفها؟

Did you happen to see anything strange?
شفت شي غريب؟؟

If you happen to meet him, please tell him to call me.
اذا التقيت فيه...خليه يتصل فيني.


Offer يعرض
I offered to help her in her homework.
عرضت عليها مساعدة بحل الوظيفة.
(Offer + to + help)



المجموعة الثالثة

الأفعال اللي بيجي بعدا الفعل بحالة الصفر أو المصدر و هون عم نحكي عن modal verbs متل can / could/ might / should / may / will ....

بهي المجموعة الفعل بيجي بحالة الصفر و ماحدا بيفرض عليه ولا اي صيغة معينة.

مثال:
I can swim.
(Can + zero verb)

I might be late.
(Might + zero verb)

You should stop using you headphones.
(Should + zero verb)




Niemat Hinnawi باز کردن / نظر دهید

2022-02-28 23:13:29 سلامات للجميع


قاعدة اليوم عم تحكي عن شي اسمو verbs of the senses و القصد هون هو الأفعال اللي بتتعلق بالحواس الخمسة و كيف منستعملها و شو الصيغة اللي بتجي بعدها.

النقطة المهمة بالقاعدة هي الصيغة اللي بتجي بعد هالأفعال و أغلب الأسئلة بتجي على هالنقطة بالذات

شو هيي الأفعال اللي بتعبر عن الحواس؟ عنا الأفعال التالية:
1. Look يبدو مثل
2. Feel ملمسه يشبه كذا
3. Smell رائحته تشبه كذا
4. Sound صوته يشبه كذا
5. Taste طعمه يشبه كذا

خلينا كتير نتبه عالترجمة. لازم نعرف انو مثلا feel هون مو معناها يشعر و smell مو معناها يشم و رح نشوف امثلة كتير و نعرف ليش.

خلينا ناخد امثلة:

كنت عم تسوق سيارتك و تسمع اغاني و طلعت غنية حلوة بس ما عرفت مين اللي عم يغني فقلت لحالك:
He sounds like Amr Diab.
مو كأنو صوت عمرو دياب / صوتو بيشيه صوت عمرو دياب.


مثال تاني:
كنت قاعد بأمان و فجاة شميت ريحة شي عم يحترق بتقول:
It smells as if something is burning.
في ريحة شي عم يحترق / الرائحة بتشبه رائحة شي عم يحترق.


مثال آخر:
رحت عالمطعم و طلبت وجبة اسمها غريب عجيب و وقت دقتها قلت:
It tastes like chicken.
طعمتها متل طعمة الدجاج /الفروج ما فرقت شي عنو.

مثال آخر:
واحد قلك
You look like your father.
بتشبه أبوك / تبدو مثل والدك


و مثال أخير:
صبية معنا عملت تنظيف بشرة و بعدها لمست وجها وقالت:
It feels really soft.
الملمس كتير ناعم


متل ما قلتلكم سابقا...بيهمنا الصيغة اللي بتجي بعد هالأفعال. طيب شو بيجي بعدها؟؟


الصيغة الأولى

هدول الأفعال الخمسة بيجي بعدن صفة adjective

verb + adjective

Look + adjective
Sound + adjective
Feel + adjective
Taste + adjective
Smell + adjective

خلينا ناخد امثلة:
You look tired.
(Tired adjective)

He sounded angry.
(Angry adjective)

It tastes delicious.
(Delicious adjective)

It feels soft.
(Soft adjective)

It smells nice.
(Nice adjective)

ملاحظة صغيرة: هدول الأفعال متلن متل اي فعل تاني منحطلن s اذا كانت الجملة بالحاضر و الفاعل he او she او it ..... واذا الجملة بالماضي منحطلن ed او منستعمل التصريف التاني للفعل متل felt.



الصيغة التانية

بالصيغة التانية واللي بتعطي نفس المعنى...منستعمل:

Verb + like + noun

و خلينا ناخد امثلة:
He looks like his father
بيشبه ابوه

Look + like + noun (his father)

مثال تاني

This material feels like silk.
هي القماشة ملمسها متل الحرير.

Feel + like + noun (silk)


مثال أخير:

This tastes like tea.
هالمشروب طعمتو متل الشاي.

Taste + like + noun (tea)



الصيغة الثالثة

بالحالة التالتة منشوف هي الأفعال مع جملة كاملة بعدن. كيف؟

Verb + as if / as though / like + clause

المقصد انو منشوف الفعل و بعدو وحدة من هدول:
As if
As though
Like
و بعد وحدة من هدول منشوف جملة كاملة فيها فعل و فاعل.

خلينا ناخد امثلة:

She looks as if she has been crying.
شكلا كأنها كانت عم تبكي.

هون اجا عنا التالي:
Look + as if + clause (جملة) -

الجملة هون هيي she has been crying

طيب السؤال هو: فيني استعيض عن as if و حط مكانا as though. طبعا فيني و بتصير الجملة:

She looks as though she has been crying.
و بيضل المعنى نفسو.

طيب و شو مشان like؟؟
نفس الشي...بتجي محل as if و as though و بيضل المعنى نفسو و منقول:

She looks like she has been crying.

خلينا ناخد امثلة تانية:
It sounds as if it's raining.
It sounds as though it's raining.
It sounds like it's raining.

مثال أخير:
It smells as if something is burning.
It smells as though something is burning.
It smells like something is burning.

الخلاصة:
هدول الأفعال بتجي بعدن الصيغ التالية:
1. Verb + adjective صفة
2. Verb + like + noun اسم
3. Verb + as if / as though / like + clause جملة

معناها عنا like بدنا ندير بالنا منها لأنو بيجي بعدا حالتين:
Verb + like + noun
Verb + like + clause

ليش هالحكي مهم؟ لأنو بالامتحان ممكن يسألوكم عم الجملة الخطأ. اذا شفنا like و بعدا noun فهي صح واذا كان بعدا جملة clause فهيي كمان صح. باز کردن / نظر دهید

2022-02-28 23:07:41 باز کردن / نظر دهید

2022-02-28 23:07:40 عندما نستعمل الظروف التالية في بداية الجمل نقوم بقلب الفعل والفاعل
(نضع الفعل be أو do أو الفعل المساعد ثم الفاعل ثم الفعل الأساسي):
*Not only
*Never
*had للماضي التام في الشرطية
*seldom
*under no circumstances
*only them
*only later
*scarcely
*hardly
*no sooner
*only in this way

مثال:
I scarcely go to the sea.
إن وضعنا الظرف scarcely في بداية الجملة....تصبح
Scarcely do I go to the sea. باز کردن / نظر دهید

2022-02-27 17:48:05 باز کردن / نظر دهید

2022-02-27 16:18:38 In the end
بيجي بعدا فاصلة و هي معناها "وأخيرا" متل finally تماما باز کردن / نظر دهید

2022-02-27 16:18:38 At the end of + اسم

تعبر عن نهاية شي
في نهاية الفيلم
في نهاية الحلقة
في نهاية الدرس باز کردن / نظر دهید

2022-02-27 16:18:38 باز کردن / نظر دهید