2:40 في اللّحظة اللي ع تدخل فيها مغامرة جديدة مع أحد جديد مش | ♧كَلۛمۘاּت مۘبعּثرُة♤
2:40 في اللّحظة اللي ع تدخل فيها مغامرة جديدة مع أحد جديد مش ع تكون عارِف إنك انت بدأتها أصلا!
بتبدأ القصة برسالة، يمكن ع ستوري، يمكن رسالة من ورى مشكلة!
بعدها ع تصيروا كل يوم تطمنوا على بعض، وبعد شوية من الوقت واحد فيكم ع يكون مكتئب أو زعلان، وع يجي الشخص الثاني ليواسي ! مرّة على مرّة لحتى تكتشف إنو إسلوب يومك وأسرار حياتك كلها صارت مع أحد تاني! صباحك ومساءك وكل أوقاتك فيها هذا الشّخص، وما إن تكتشف وقوعك بالمغامرة!
صعب إنك تطلع، لكن حلو إنك تضل، حلو شعور الحب لما يكون مخفي، شعور الاهتمام! لحظات خوفك من الاعتراف ورجّة جسمك كل ما شفت هذا الشّخص وانت مش قادر تحكي شي!
هذي اللحظات البريئة بالحب، اللّحظات الي ع تكون مبسوط فيها رغم إنك حابس كثير داخلك
بعض الأشياء والأمور دائما بتكون احلى من بعيد، لكن مجرد ما قربت منها أكثر من اللازم، بتدّمرك
