ابدأ نظم حياتك شوية ..كفاية اللي ضاع من عمرك وانت مش مركز في | Ahmed Shawki - أحمد شوقى
ابدأ نظم حياتك شوية ..كفاية اللي ضاع من عمرك وانت مش مركز في حياتك ولا مركز في أي حاجة أساسا وكل دقيقة عينك تبص علي حاجة وتجري وراها.. ومن الخطوات العملية اللي بتنفع معايا في المرحلة دي هي :
1- هات ورقة وقلم وحدد أهدافك اللي في الغالب نسيتها أو ما فكرتش فيها أصلا 2- الأهداف دي لازم تكون واقعية ومحددة وتقدر تقيس مستوي تقدمك فيها 3- حدد المطلوب منك عشان تقدر تحقق أهدافك زي تجميع الماتريال وتحديد الأوقات والجهد المطلوب 4- حدد الحاجات اللي بتسرق يومك من غير ما تحس زي المسلسلات والجيمنج والأفلام 5- لو عندك صحبة صالحة كلمهم وعرفهم باللي ناوي عيله حتي لو ما اتواصلتش معاهم بقالك شهور ..الصحبة الصالحة بتساعد ودي ميزتها 6- قسم أهدافك الكبيرة لأجزاء صغيرة وركز علي الجزء اللي انت فيه دلوقتي وبس.. 7- أهم حاجة وأخر حاجة إنك تبدأ وما تستناش الوقت المناسب ولا الفرصة المناسبة ولا أي حاجة تتظبط ..ابدأ وتوكل علي الله بالمتاح معاك..
