انت ممكن تقرأ كتاب كامل 300 صفحة أو أكتر ومتطلعش منه غير بفايد | Ahmed Shawki - أحمد شوقى

انت ممكن تقرأ كتاب كامل 300 صفحة أو أكتر ومتطلعش منه غير بفايدة واحدة بس او سطر واحد بس أثـّر فيك.
ممكن تذاكر كورس كامل ومتطلعش منه غير بحاجة واحدة بس تقدر تطبقها وتنفعك.
ممكن تشتغل 30 يوم ف الشهر ف شغلك ومفيش الا شغل يوم واحد هو الحل يحققلك التارجيت أو النتيجة الملموسة ف شغلك.
ممكن تقرأ جزء كامل من القرآن وآية واحدة هي اللي تبدّل حال قلبك وتخليه يرقّ ويتوب ويخشع.
ممكن تحضر كل المحاضرات ومحاضرة واحدة هي اللي يجي منها الامتحان وتقفل الدرجات.
كل اللي عليك انك تعمل اللي عليك
- اقرأ الكتاب لآخره حتى لو مش حاسس بتأثيره الفوري.
- كمل الكورس لآخره حتى لو قادر تتخيل ازاي تطبق الكلام.
- اشتغل كل يوم بإتقان وف يوم غير متوقع هتحقق طفرة ف الشغل.
- اقرأ قرآن بتدبر يوميًا حتى لو مش حاسس ان حالك بيتغيّر ولسة زي مانت.