3- انسى الماضي بكل سقطاته ، وبكل قرار اخدته وندمت عليه ، يكفي بس انك تاخد عبره منه .
4- ابعد عن الخلافات والنقاشات الطويله ، خاصة لو هتجادل حد بحاجه هو مقتنع بيها ، مهما حاولت قناعاته مش هتتغير حتى لو اتأكد من جواه انه غلط ، هياخده الكبر ومش هيسمحلك تنتصر عليه .
5- كفايه تأنيب ضمير على كل صغيره وكبيره ، متفكرش فـ كل فعل وكل كلمه تصدر منك ، اللي فات خلاص انساه ، لو حسيت انك غلطت صلح غلطك فوراً وريح ضميرك أول بأول .
6- إسعد نفسك وكافئها م بين الوقت والتاني ، ومتجيش عليها ولا تهلكها وسط مشاغلك ، اعمل قايمه بالحاجات اللي بتفرحك ، وكل فتره صغيره خدلك ريست م الحياه وابدأ اعمل اي حاجه تسعدك .
7- ثق ف نفسك وقدراتك ، متسمعش للناس المحبطه ، كمل ف طريقك طالما مقتنع انه صح ، متبطلش تحلم حتى لو فشلت مليون مره ، لو بصيت على حياة العظماء هتلاقي حياتهم كان اغلبها فشل بس الفرق انهم مستسلموش .
8- ارضى بكل اللي قسمهولك ربنا خيراً كان ام شر ، افتكر ان حتى الإبتلاء هتؤجر عليه وهيقلل من ذنوبك ، فـ متزعلش على أي شئ يصيبك واحمد ربنا واشكره على كل أقداره ، وتأكد انه هيرضيك .
9- متبطلش تتوب مهما أذنبت ، واوعى تكره نفسك ، وإياك واليأس من رحمة ربنا ، المهم انك متصرش على الغلط ، وتتوب منه ولو وقعت فيه مليون مره وجاهد نفسك طول م لسه فيك نفس ، وافتكر " والذين جاهدوا فينا لنهدينهم سبلنا " .
10- ركز مع الناس اللي بتحبك بس ، سيبك من أي حد مقدرش قيمة وجودك فـ حياته ، وبلاش تفرض نفسك عـ حد مش مهتم بيك "!