لو يومك بيضيع منك ومش بتلحق تعمل أي حاجة فأنا هقولك علي تقنية بسيطة تنقذ بيها يومك
-هات ورقة وقلم واكتب 3 مهام بس تعملهم إنهاردة
-3 بس وما تكتبش أكتر من 3 واختار أهم 3 عندك في اليوم مثلا اكتب :
1-حفظ صفحة من القران
2-حفظ 20 جملة من اللغة الإنجليزية
3-مذاكرة ساعتين للكلية
وبس ..مش هتعمل حاجة إنهاردة غير ال3 دول
وابدأ في التنفيذ فورا ياصاحبي من غير تفكير كتيير
خلص المهمة وادخل عاللي بعدها وخلص التانية وادخل عالأخيرة
-الجميل في الموضوع إنك لما تخلص ال3 مهام دول هتلاقي لسه عندك وقت كتييير باقي اليوم وكونك خلصت المهام دي فدا هيديك شوت دوبامين يعني (دافع إنك تقوم تعمل حاجة تانية) ويخليك مبسوط إنك أنجرت حاجة وهتكون عاوز تعمل إنجازت تانية
يعني بالمختصر المفيد، بقولك إنك تحدد 3 حاجات بتهملك في يومك وتركز عليهم وتخلصهم قبل ما تبدأ تعمل أي حاجة تانية. ولما تخلص الحاجات دي، هتحس بسعادة وفخر إنك قدرت تعملهم وده هيحفزك إنك تعمل أي حاجة تانية وتزود إنتاجيتك.
في النهاية، الفكرة بسيطة وبتخلي حياتك أسهل وأكتر إنتاجية. يلا، جرب تطبقها وشوف النتيجة.
-AhmedShawki
