السنة اللي فاتت كنت بشتغل وأتعلم انجليزي وكتابة محتوي وتسويق | Ahmed Shawki - أحمد شوقى
السنة اللي فاتت كنت بشتغل وأتعلم انجليزي وكتابة محتوي وتسويق رقمي وأدرس شرعي وأقدم محتوي وحاجات تانية كتييرة في نفس الوقت
وكانت إنتاجيتي مشئية بمعدل بطئ جداً لحد ما سمعت كلمة الmultitasking
وهنا بس قررت أقلب حياتي كلها شغل + ديجتال ماركتنج بس
وحقيقي دا جه بعد فترة طويلة من شغل الmultitasking
بس لما سمعت ناس كتير بتنصح إنه الmultitasking دا خدعة وبيأخرك أكتر ما بيقدمك والمفروض تركز علي حاجة واحدة ولا تطارد أرنبين في نفس الوقت و. و. و.
قررت أخد بنصيحتهم وأركز علي حاجة واحدة بجانب الشغل وهي احتراف الديجتال ماركتنج والمفآجاءة كانت
وبعد تجربة لأكتر من 4 شهور أقدر أقولك الأتي : - حياتي كانت أكتر إنتاجية وتنظيم في الmultitasking عن الحاجة الواحدة - أنا مش بقدر أبذل مجهود كبيير في حاجة واحدة طول اليوم وبحب أنَوّع - اليوم وهو فيه حاجات كتير وأنا منظمهم أفضل بكتيير من حاجة واحدة متفرغ ليها -أنا مش بقولك كلامهم غلط وما تسمعش كلام حد عالسوشيال ميديا
-اللي عايز أقولهولك من التجربة في البوست دا حاجة واحدة : إن كل النصائح اللي بتتعرض عالسوشيال ميديا هي تجارب شخصية واحد بيعرضها كنصيحة عامة تنفع لكل الناس ( حتي البوست دا ) فمش شرط عشان الكلام عاجب ناس كتير يكون ينفعك ويمشي معاك
وأخيرا : أي نصيحة موجودة عالسوشيال ميديا هي : تجربة شخصية لحد غيرك تجربة شخصية لحد غيرك تجربة شخصية لحد غيرك
ممكن تكون الحاجة نفعت معاه .. بس ما تنفعش معاك ممكن تكون الحاجة ما نفعتش معاه .. بس تنفع معاك
جرب بنفسك وإدي لنفسك الحق في إنك تختار اللي ينفع معاك
