1-الأفلام الإباحية هتدمّر حياتك الجنسية؛ وهتكون سبب مشاكل كتير | Ahmed Shawki - أحمد شوقى
1-الأفلام الإباحية هتدمّر حياتك الجنسية؛ وهتكون سبب مشاكل كتير بالنسبالك، إبتعد عنها نهائي.
2-إتعلم إزاي تطبخ؟ في فترةٍ ما من حياتك هتحتاج للمهارة دي جدًا.
3-أنت سند وأخ البنت الغريبة عنك في الشارع، تعامل كرجل ولا تكن بهذه الوقاحه التي نراها في الشارع من الشباب والبنات
4-اتمسك بالتعليم طالما إنتا لسه صغير، والأهم؛ لسه متوفرة ليك الفرصة ومضاعتش من إيدك. بلاش تنتهج نهج بيل جيتس وستيف جوبز وزكربيرج، الناس دي كانوا إستثناءات وقت ثورة الكمبيوتر، الموبايل والإنترنت وحققوا ما حققوه، وغالبًا مش هيتكرروا تاني.
5-إعرف إن كل ما هو مادي ويمكن تعويضه أو إعادة بناءه/إكتسابه فلا ندم عليه.. وإن كل ما هو معنوي/غير ملموس لازم تحافظ عليه قدر إمكانك، وإن فقدته فلا عزاء لك فيه.
6-عود لسانك علي بعض الكلمات.. لو سمحت، بعد إذنك، أسف، شكراً…
7-الحياة ليست كالأفلام التي تشاهدها، إن لم تحبك الفتاة وإختارت غيرك فتعايش ولا تدخل في صراع مع ذكرياتك.
8-والديك هم الأعظم؛ إتصل بهم وتحدث معهم أكثر من أي شخص أخر
9-أصدقاء الثانوية والجامعة إلي كنت شايف إن مستحيل تبعدوا عن بعض، هتتفرقوا والأيام هتشغلكم، صديق الشغل والجيش وغيره، هيجي يوم وتبعدوا عن بعض.. هو ده حال الدنيا عموماً.
11-قول "لأ" للحاجات اللي عاوزها: إتعلّم الرفض؛ لأنك بكده هتزود تركيزك، عن طريق رفضك للمُشتتات والناس.
12-ساعد المجهولين عنك ولو كنت مش هتتلقى "شكرًا" ولا تتوفر فرصة تانية يترد لك المعروف اللي عملته.. أتمشى مع العجوز وعديه الشارع وإحمل عنه الشنطه، وأقف للبنت تقعد مكانك في المترو أو الباص.. ساعد الغرباء لأنك -أو حد يهمك أمره- يومًا ما هتحتاج المساعدة وساعتها بس بيترد لك مخزونك من المعروف اللي دفعته قبل كده..( أنا عايش بالمبدأ ده وهو أكتر شئ بيسعدني وشايف إنوا لازم يكون صفة أساسية عند كل الناس).
13-إرادتنا الحرة بتتحط قدام إختبارات صعبة كل يوم، كبيرة كانت أو صغيرة: أذاكر ولا أفتح فيسبوك؟ أكمل شغل هنا ولا أسيب الشركة؟ ألبي رغبة صحابي وأخرج معاهم ولا أخلص الكورس اللي بدأت فيه؟ أدخل الجامعة اللي نفسي فيها ولا أرضي أهلى بالجامعة اللي عاوزينني فيها؟… إتعلم إنك تروض إرادتك، وتثبت قدام المغريات الكتيرة ومتتنازلش عن مصالحك الشخصية قدام رغبات وأماني الآخرين.
14-توقف عن التخطيط؛ عندك خطط كتير لحياتك، مفيش حاجة من الخطط دي هتنجح، فقط إختار إتجاه واحد عاوز حياتك تمشي فيه، وإسعي لإنك تنمي المهارات اللي هتسهل لك مسيرتك في الرحلة دي.
15-متخافش من الوقت اللي هتكون فيه وحيد؛ الوقت اللي هتقضيه وحيد مش شيء سيء لازم تهرب منه، بل لازم تقدره، وإشتغل على الروايات اللي مخلصتهاش، روح الجيم وأقرأ الكتب.
16-إياك ثم إياك أن تكون من المدخنين؛ لا تنتظر حتي يعتاد جسدك علي هذه المواد السامه ثم تقوم بالتخلص منها، قصص
17-التخلص من التدخين ملهمه ولكن لا تدع نفسك بأن تصبح من أهل هذه العادات، يمكنك أن تكون ملهم في شئ اخر.
والأفكار والقيم والمباديء والمعتقدات اللي معتنقها ومؤمن بيها.. لازم كل سنة على أقل تقدير تعيد التفكير فيهم.
19-تمرّن وإنتظم في أداء التمارين الرياضية؛ مستقبلًا هيكون عندك عضلات وبتمتلك صحة جيده لو إنتظمت في الرياضة، وده السبب اللي كان بيمنعك من إنك تروح الجيم أو تقوم بالتمارين كل يوم؛ لذلك أبدأ برفع الأثقال وتمارين اللياقة.
20-إستمع للكتب الصوتية أثناء سواقة السيارة أو الركوب فيها أو المشي علي الأقدام… إنتا بتضيع وقت كتير بسماعك لنفس الأغاني مرارًا وتكرارًا؛ أستمع للكتب الصوتية، هتتعلم أكتر وستبدو أذكى.
21-إتكلم مع والدك والناس الكبيرة في السن أكتر؛ لأنه حكيم بشكل لا يصدق، وانت أحمَق بشكل لا يصدق.
