2021-07-16 14:32:58
الصورة دي لشاب عنده حوالي ٤٠ سنه مش متزوج و قاعد مع والدة في البيت
من شهرين دخل في حالة من الاجهاد لدرجة انه مبقاش يخرج من البيت
و بقي بيروح الحمام بصعوبة و بيقع و هو ماشي
منع الأكل و الشرب او تقدر تقول كان خفيف جدا ما عدا البيبسي كان بيشرب كتير جدا
مامته و اخوه جابوة و هو تقريبا فاقد الوعي يعني كنا بنشيله علشان ننقلة من مكانه
في البداية باخد هستوري من الأهل تقريباً ميعرفوش عنه حاجه و مقالوش غير الكلام اللي فوق دا و الباقي منعرفش
طلبت اشعة مقطعية علي المخ و الصدر و سحبت معامل كاملة و طلبت تحليل مخدرات
لأن منظر الشاب مع اللامبالاة اللي شوفتها من الأهل و منظر الجلد دا شكيت ان الولد يكون بيتعاطي حاجه الصراحه
و دا مكانش انطباعي لواحدي
تقريبا كان انطباع كل الدكاترة اللي معايا
لكن للأسف مكانش متوفر تحليل المخدرات
لكن قولت اشوف باقي التحاليل
الأشعات طلعت free
التحاليل كلها طلعت free ما عدا الكريات و اليوريا و دي كانت المفاجأة الحقيقة
و طبعا كنت في حيرة شديدة جدا
معرفش انت قرأت البوست اللي اتكلمت فيه عن تحليل الكرياتنين و لا عملتله save و رميته كالعادة
بس انا قولت في البوست ده حاجه مهمة اوي و هي ان الكريات مش بيكون accurate اوي و العلماء كل يوم بيدوروا علي حاجه تكون اسرع في تشخيص الفشل الكلوي الحاد
لأن لو اتلحق بدري كتير منهم بيخف بفضل الله
لكن المشكله زي ما قولتلك ان الكريات اصلا بيحتاج من ٢٤ الي ٣٦ ساعة علشان يرتفع للرقم اللي المفروض يكون عليه
و قولتلك انك لازم تاخد هستوري كويس و لازم تكون عارف ال baseline بتاعه
فالشاب دا جاي بكريات عالي و انت مش عارف ال baseline بتاعه و لا عارف تاخد هستوري كويس من الأهل
طبعا هو اتحجز في ال ICU و كان dehydrated فعوضنا fluid و طلبنا US و استشاري الكلي جاله
و انا بصراحه الشفت بتاعي كان خلص فمشيت
اللي عاوز اقوله ان مهم جداً انت كدكتور امتياز او دكتور استقبال او اي تخصص بياخد نباطشيات استقبال او حتي طالب طب لازم تبقي aware جدا بحالات الفشل الكلوي الحاد لأنها مش قليله للأسف و بت missed كتير جدا
عاوزك كده تتخيل معايا الرقم دا
أمريكا بس فيها 5 مليون شخص في السنه بيدخلوا ICU
واحد من كل ٢٠ شخص بيكون عنده AKI
يعني حوالي ربع مليون شخص سنوياً في أمريكا بس بيتم تشخيصهم ب AKI
و ٦٠ ٪ من وفيات المستشفى بيكون ب AKI
و دا في أمريكا فما بالك بالدول بتاعتنا؟
فانت بتتكلم في ارقام مرعبة و كابوس حقيقي لازم كلنا ناخد بالنا منه
دكتور John kellum و دا واحد من اللي شغالين في AKI بقالهم فترة طويلة
بيقول ان تعريف ال AKI وسع اوي عن زمان و أخد ناس كتير اوي كنا مفكرينهم زمان ان معندهمش مشكلة
و بيقول ان AKI بقي بيعامل الأن علي انه syndrome
عاوز اقولك ان العلماء و الباحثين عندهم ما يقرب من ٣٥ تعريف لل AKI حتي الأن
و دا مخلي ال diagnosis بقي صعب و كل واحد عنده ال criteria بتاعته
بس انا زي ما قولتلك المرة اللي فاتت ملكش دعوة بالكلام ده و متلخبطش نفسك و امشي ورا ال KDIGO
قبل ما اختم كلامي عاوز الفت نظرك لحاجه
انت اكيد عارف ان الكلي بيروحلها حوالي ٢٠٪ من COP يعني حوالي ١٢٠٠ مل في الدقيقة
مسألتش نفسك ازاي عضو يكون بيوصله الأرقام الضخمة دي من الدم و يتأثر بالسهولة دي من اي حاجه لدرجة ان احنا نسمع الأرقام دي عنه ؟
غريبه مش كده ؟
لكن الحقيقه ان ال majority of perfusion بتروح لل renal cortex اللي بيحصل فيها GF و دا اكثر مكان بيستهلك energy علشان كده ال Blood flow بيبقي عالي
لكن ال medulla اللي هي بت concentrate و بت dilute ال Urine مش بتاخد ال flow دا
و الجزء دا فيه high osmotic gradient علشان يحصل reabsorption of water و دي يمكن اهم وظيفة للكلي الحقيقة لأن دا لو محصلش هنتصفي كلنا في ساعات قليلة
ال cortex بتاخد من 80 الي 90 % و ال medulla من 10 الي 20 %
فبيحصل ان ال O2 tension في outer medulla
بيكون 10 مللي لتر زئبقي و دا يعتبر رقم قليل جدا علي منطقة metabolically active
فالخلطة دي بتخلي ال environment بتاع الكلي very susceptible to ischemic injury
عاوز أقول ان احنا بنعاني من ضعف الإمكانيات فحاولوا تعوضوها برفع الوعي
دمتم حلوين و مسكرين
متنساش تشترك في القناة اللي هسيبلك الرابط بتاعها في أول تعليق
و رابط قناة التليجرام في التعليقات
#دردشة_صحية مع #محمد_ياسر
869 views11:32
I
