للمشاية امشي مشايه الحبيب الزهره. ذنوبي توگع بس اطوفن گبره | حيدرموسى الرميثي
للمشاية
امشي مشايه الحبيب الزهره.
ذنوبي توگع بس اطوفن گبره
،،،،،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،،،
دوم لبن الزهره تبقه احزاني.
حسين دنيه وأخره عنواني.
مايفضل غيره ذكر الساني
اشكر الله خادمه سواني.
خدمته بروحي نمت بلفطره
ذنوبي توگع بس اطوفن گبره
،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،،،
شعندي غير حسين نور عيوني
من اضيع بكربله تلگوني
ادري أهل البيت ماينسوني
من الخطر ومن البشر يحموني.
والزياره اتعادل اشچم عمره.
ذنوبي توگع بس اطوفن گبره
،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،
الف شكرن للمواكب هايه
بكل تعبهم خدموا المشاية
بالطريق اتحزموا بالرايه
والگمر مازال نشرب مايه.
بجربته يسگي الخلگ من عطره.
ذنوبي توگع بس اطوفن گبره
،،،،،،،،،،،،،،،،،،،،،،،،،،٤،،،،،،،،،،،،،،
اليخدم الزاير ألف هنياله
راح بالميزان تعله أعماله
حسين جنه بالگبر خلاله
واليطيح حسين بيده الشاله
فاز كلمن عالسبط دگ صدره
ذنوبي توگع بس اطوفن گبره
،،،،،،،،،،،،،،،،،،،،،،،،،، ٥ ،،،،،،،،،،،،
لازم بأخلاص يمشي الزاير
حتى تشفعله الزچيه باچر
للحسين يصير لازم ناصر
السان حاله يگول ماضل حاير
اعليه أدور ما أدور شهره
ذنوبي توگع بس اطوفن گبره
،،،،،،،،،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي
