مولاتي يزهراء ، مولاتي ؛؛؛؛؛؛؛؛؛؛؛؛؛ وصلنا إستمعوا يا شيعة ، | الشاعر علي حسن الكناني
مولاتي يزهراء ، مولاتي
؛؛؛؛؛؛؛؛؛؛؛؛؛
وصلنا إستمعوا يا شيعة ، بيان و لازم نذيعة
إمام الواجب نطيعه ، يوصيكم
يگلكم لا تعووفوها ، ليالي الزهرة و إحيوها
أمكم من توافوها ، تعليكم
يگلكم يالتحبوني ، بمصيبة أمي واسوني
؛؛؛؛؛؛؛؛؛؛؛؛؛؛؛؛؛؛؛
إمام المهدي حشمنه ، أبد منگله لا إحنه
مصيبة أمك و أمنه ، تأذينه
نحبك والله و نودك ، يمن حاسبنه چن ولدك
كرم يا غالي من عندك ، توصينه
بعزاها لمن نباشر ، نحس بمصيبة العاشر
؛؛؛؛؛؛؛؛؛؛؛؛؛؛؛؛؛؛؛؛؛
شنو الخادم شله إبعمره ، إذا ما يبچي عالزهرة
تره الما لطم عالسطرة ، صدگ جاهل
يزعل حسين من عنده ، و أبو و المصطفى جده
يزعل إلي نذر زنده ، أبو فاضل
أسكت عيوني ما أگدر ، ضلع أم زينب تكسر
؛؛؛؛؛؛؛؛؛؛؛؛؛؛؛؛؛؛؛
أمر تأمرني يا مهدي ، أنه إشكم فاطمة عندي
وحقك لو أضل وحدي ، أضل خادم
أگول و هاي تدريها ، أزعلك ما أسويها
خلود الجنة يشريها ، إسم فاطم
يروحي سمعي و إختاري ، رضا الزهرة رضا الباري
؛؛؛؛؛؛؛؛؛؛؛؛؛؛؛؛؛؛؛؛
نذر للزهرة و حسيني ، وقف الهم دمع عيني
أبد ما بطل أونيني ، عليهم قط
لإبنها إلهسه مفجوعة ، صريع مكسره ضلوعه
تره الما يحس باللوعه ، صدگ فرط
ضلعها و كسره ياذيها ، بلطمنه خل نواسيها
؛؛؛؛؛؛؛؛؛؛؛؛؛؛؛؛؛؛؛؛؛؛؛
يمن چانت فدك إلها ، على عناد الذي إحتلها
بسمها الجنة سجلها ، تره الباري
بعدها النار سعرها ، يعاقب بيها العصرها
إله الكون خيرها ، قُل إختاري
منو الي ننتقم منه ، و منو للجنه يتعنه
؛؛؛؛؛؛؛؛؛؛؛؛؛؛؛؛؛؛؛؛؛؛؛
#مولاتي
#علي_حسن_الكناني