بيت . ماتت فرحته بيت . عشنه بوحشته بيت . چانت شمعته . أمنه ا | الشاعر علي حسن الكناني
بيت . ماتت فرحته بيت . عشنه بوحشته بيت . چانت شمعته . أمنه الحنونه ؛؛؛؛؛؛؛؛؛؛؛؛؛؛؛؛ شمعة البيت إنطفت و قليبي شب نار موحشة و ظلمة و حزينه صارت الدار أمنه چانت من عطفها تفيض أنهار قبل ما تدعيلي چانت تدعي للجار
ليش . أسألها و بچت ليش . تبچي و ماحچت ليش . ما يوم إشتكت . أمنه الحنونه ؛؛؛؛؛؛؛؛؛؛؛؛؛؛؛؛ راحت الفرحة و بعد ما ضنتي تعود وين كل ذاك الحنان الچان موجود چنه نشتم من عطرها ريحة وورود أمنه رحمة وحبها النه ما إله حدود
موت . ليش إستعجلت موت . جيت و ما گلت موت . تاخذ هالوكت . أمنه الحنونه ؛؛؛؛؛؛؛؛؛؛؛؛؛؛؛؛؛؛ يمه ضلت عندي ذكرى من حايتچ يمه هاي البيدي سجادة صلاتچ من أحن العطرچ أشتمه بعباتچ يمه والله تعذبت يمه بوفاتچ
ليل . دمعات و حزن ليل . أظلم من يجن ليل . مثلچ ما يحن . أمنه الحنونه ؛؛؛؛؛؛؛؛؛؛؛؛؛؛؛؛؛؛؛؛ آنه عاينت الجره و روعني المصاب روحي تجفل لمن أنظر عتبة الباب أنشد البسمار عنچ و أسمع جواب آنه بيه أعترف ضلع أمچ إنصاب
صاح . مكسور الضلع صاح . و آنه أستمع صاح . ما يوفي الدمع . أمنه الحنونه ؛؛؛؛؛؛؛؛؛؛؛؛؛؛؛؛؛؛؛؛؛ آنه زينب يمه و مصابچ دهاني روحي ترجع والله لو طيفچ اجاني أرد أگلچ ماتت وياچ الأماني من الزغر للموت گمت أحسب ثواني
ريت . موتي بموتتچ ريت . أحضه بشوفتچ ريت . أسمع دعوتچ . أمنه الحنونه ؛؛؛؛؛؛؛؛؛؛؛؛؛؛؛؛؛؛؛؛ إشلون أخلص هالعمر و إنتي بعيده يمه بعدچ ما شفت لحظة سعيدة دوم أدعي و الصبر منچ أريده من أشوف حسين ينزف دم وريدة
