2023-04-15 13:22:32
كيف الناس تتصرف في حال قامت حرب في المدينة :
١/ الناس تحاول تهدأ وتحتمي داخل البيوت وياريت ما تتحاوم في الحوش .
٢/ تبعدوا من منافذ ممكن يخش منها الرصاص الطائش زي الشبابيك والأبواب.
٣/ حاولو تقعدوا في الأرض والنوم برضو في الأرض.
٤/ حاولو تأمين اكل وشراب على الاقل لمدة تلاتة يوم
٥/ برضو كل ما الناس قدرت تطلع بشكل أمن إلى الاطراف بيكون في بعض الأحيان حل . خاصة منطقة ما فيها تمثيل للاطراف المتحاربة.
٦/ الأفراد الأسرة ياريت تقدر تتلم وتقعد في حتة واحدة عشان القلق على واحد مافي أسوأ شعور والناس اصلا ما ناقصة.
٧/ الناس تحاول تهدأ وما تستلم للاشاعات وتنتظر الاخبار الاكيدة من الأجهزة الاعلامية .
٨/ احتو الناس الما قدرو يصلو بيوتهم ولازم تتواصلو وطمنو أفراد اسركم انكم وين وامنين ولا لا . الاتصال الان لانو ممكن يقطعوا الاتصالات والانترنت ( حسب تجربة سابقة )
٩/ الناس ما تقيف على حيلها خالص لو في اشتباك بالجوار
١٠/ معروف في بلد في اكتر من قوة عسكرية ممكن عادي تحصل تحالفات بينهم والحكاية تتقلب فوضى لدرجة ما تكون عارف منو مع منو . بس المواطنين في الوقت الحالي ما مستهدفين بشكل مباشر ، هم بيضربوا بعض وعارفين بعض ، المواطن ممكن يصاب بالخطأ من طلقة طائشة.
١١/ممكن الناس تضيف نصائح اضافية لو انا نسيت حاجة او غلطت في حاجة وربنا يحفظ الناس .
للأسف الحرب صادقة جدا ودغرية نسأل الله السلامة .
427 viewsثولين موسى 𖠈♡.!, 10:22
ك
