2023-05-08 16:06:01
لو بتخافوا علي ولادكم! ونفسكوا تشيلوا لهم حاجة للزمن!!!
وارد الدنيا تقلب فجأة !
دوام الحال من المحال !!!
ومحدش عارف نهاية العمر إمتي؟
ومحدش يعلم الغيب !!
لما ساعات تجيلي فكرة إزاي هسيب ولادي وهم صغيرين كده ، دول لسه محتاجني؟
ترن في ودني الآية :
"وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا".
ياه علي كرم ربنا ،بقى التقوي و القول السديد في الدنيا من أسباب حفظ الذرية!!!
مش بس القول ، ده كل أنواع الصدقة.
بالفلوس وبالجهد وبالقول وبالنصيحة وبالابتسامة وبجبر الخواطر و بتعليم العلم وبصلة الرحم و بزيارة المريض وبكفالة اليتيم و....الخ
فها هي إمرأة كلما تعثر أحد أبنائها أخلاقيا تصدقت وأطعمت الطعام وقالت:
" خذ من أموالهم صدقة تطهرهم وتزكيهم بها" ..اللهم هذه لتزكية أخلاق ابني فانها أشد علي من مرضه.
وإمرأة ثانية لا تجد ما تتصدق به، عيشها كفاف ، فاذا أرهقها ابنها- او زوجها -قامت الليل ودعت وقالت: اللهم ان هذه صدقتي فتقبل مني وأصلحه لي.......
#حوشوا_عند_ربنا_بنية_صلاح_الذرية.
حوشوا بإنكم تعملوا المعروف وماتستنوش شكرا ، إعملوا لله وبس ، وهو هيتولي الباقي.
اللهم لا تبدل حالنا إلا لأحسنه وإجعل يومنا أفضل من أمسنا ، وغدنا أفضل من يومنا.
بارك الله في كل الآباء والأمهات وحفظ أبنائهم
دمتم معافيين شاكرين ممتنين
نُــقــل
1.3K viewsيهدي الله لنوره من يشاء ., 13:06