2021-06-29 17:30:37
#شۆق_ڕاداشتن
t.me/kuredenaghsha
#نیعمەتەکانی_سپیایی
شیر:
سەرتوێیەکەی لێ دەگیرێ و دەکرێ بە سەرشیر
دەکوڵێنرێ و هێور دەبێتەوە، هەوێنی تێدەکرێ و سەرشیلکەی پێدا دەدرێ؛ دەبێ بە ماست
تینی تێدەگەڕێنرێ و هەوێن دەکرێ؛ دەبێ بە پەنیری تەڕ و لۆرکاو
تینی تێدەگەڕێنرێ و هەوێن دەکرێ و دەکوڵێنرێ و بە ڕاوکدا دەکرێ؛ دەبێ بە مەیلە [وێنەیمان وەدەست نەکەوت]
@Kuredenaghsha
پەنیری دەڵەمە:
بە هەر دوو دەست دەکوشرێ و دەبێتە پەنیری سەلک (تەڕ). تا دوو مانگێک لە ئاو و خوێ دەگیرێ، ئەوجار دەکوترێتەوە و دەئاخنرێتەوە و دەبێتە پەنیری کووپە.
@Kurdistannasi
لۆرکاو:
بڕێکی شیر تێدەکرێتەوە [نەک هەمیشە] و دەکوڵێنرێ؛ دەبێ بە لۆرک (لۆرکاو هەڵێنانەوە)
لۆرک:
لەگەڵ بڕێک ماست لێکدەدرێ و لە مەشکەدا دەژەندرێ و ڕۆنی لێ دەگیرێ [لە وێنەکەدا دانەنراوە چونکە هەر لە ماڵێک دیتوومانە، ئەگەر ئێوەش دیتووتانە ئەغیارمان کەنەوە]
ماست:
شویتی تێدەکرێ، لە ڕاوک دەکرێ و ئاوی لێ دەچنرێ؛ دەبێتە تۆراغ
لە مەشکە دەکرێ و دەژێندرێ؛ دەبێتە دۆ و ڕۆنی کەرە
ڕۆنی کەرە:
قاڵ دەکرێ و دەبێتە ڕۆنی زەنگ
دۆ:
خوێی تێدەکرێ و دادەنرێ، بەشە تراوەکەی لاسەرووی دەڕژێنرێ و خەستاییەکەی بە توورەکەدا دەکرێ و ئاوی دەچنرێ؛ دەبێتە خەستە [وێنەیمان وەدەست نەکەوت]
دەکوڵێنرێ و دەبێتە تیژاو و شیرێژ
شیرێژ:
گیای تێدەکرێ و دەئاخندرێتەوە؛ دەبێتە شیرێژوگیا
ژاژی تێدەکرێ و لە پێستەدا هەڵدەگیرێ بۆ زستان (ژاژ: گیایەکی بۆنخۆشی کوێستانە)
لە لالەپێکدا دەکوشرێ و هەڵدەخرێ و وشک دەبێتەوە و دەبێتە کەشک
بۆ ئەم بابەتە کتێبی "فەرهەنگی زارەکیی موکریان، بەرگی خوردوخۆراک"ی [نووسەر و توێژەر: سەلاح پایانیانی] چاوساغمان بووە.
لە وێنەزمانی کوردی گیراوە
#زاراوە_گویش
#زوان_زبان
@Kuredenaghsha
Ku Rê Dê nexşe
کانال کوردستانشناسی: نقشه، زبان، تاریخ و جغرافیای کوردەواری
t.me/kuredenaghsha
اینستاگرام
https://instagram.com/Kurdistannasi
فیسبوک
https://www.facebook.com/groups/646594232698034/permalink
484 viewsedited 14:30