افتكر انها امانه عندك .. ولو حصل لها حاجه انت اللي مسؤول قدام | معاً لنلتزم ️
افتكر انها امانه عندك .. ولو حصل لها حاجه انت اللي مسؤول قدام اخواتها .. وبعدين انت راجل صالح وعابد وعمرك ما هتوقع في ذنب يعني .. إغتر برصيصا بوسوسة الشيطان وفعلا وقع في الخطوه الثانيه وبقى بيخبط عليها ويسالها محتاجه حاجه ولا لا ويدي لها الاكل ويمشي والشيطان طبعا ما يرضاش بمعصيه او اثنين او ثلاثه لا دا وقعة في اكتر من كده الخطوه الثالثه من خطوات الشيطان كان انه يكلمها .. وخطوه ورا خطوه ورا خطوه .. وصل الامر إن برصيصا العابد المنعزل للعبادة .. وقع في الزنا - في الزنا ؟؟؟! - أه ، وازيدك من الشعر بيت ، الشيطان ما وقفش معاه لحد كده
حزن برصيصا على ذنبه وندم كبير جدا ورجع للخطوه الاولانيه خالص بقى بيحط لها الاكل قدام الصومعه ويمشي تاني ولكن للاسف الوقت متاخر .. جات له البنت في مره من المرات وقالت له يا فلان اني حامل شهور تعدي والحال على ما هو عليه ولكن البنت تولد تولد ولد من الزنا من برصيصا .. يجي له الشيطان مره ثانيه ويقوله يا برصيصا لو اخواتها رجعوا وعرفوا ان انت زنيت بيها هيقتلوك فمفيش حل في الموضوع ده غير انك تقتل الولد وترجع تتوب وتعبد ربنا تاني
وقع برصيده للاسف في الذنب العظيم اللي بعد كده وانتزع الولد من امه وقتله في الصحرا ودفنه ورجع لصومعته تاني
وتاني يجي الشيطان الخبيث ويقول لبرصيصا ادإنت مفكر ان لما اخواتها يرجعوا انها مش هتفتن عليك وتقول لهم ان انت زنيت بيها .. ؟ وان هي حملت وولدت وان انت اخذت الولد وقتلته .. ! طب ايه الحل ايه الحل .. ؟ قال له الحل ان انت تقتلها هي كمان وتدفنها ولما اخواتها يرجعوا تقول لهم ان هي مرضت وماتت وان انت احسنت ليها ودفنتها رجعوا اخواتها من السفر فعلا سألوا عليها فقال لهم انها مرضت وماتت وان هو دفنها زعلوا على اختهم زعل شديد ولكن قدر الله وما شاء فعل وروحوا بيتهم
صحى التلاثه من النوم ويبدا الأول يقول لهم انا شفت حلم غريب جدا انا شفت ان برصيصا هو اللي قتل اختنا !! وكانت المفاجاه ان الثاني والثالث قالوا له ان احنا شوفنا نفس الحلم .. ! جه الشيطان اللي أغوى برصيصا لذنوبه العظيمة لكل واحد من الاخوه في منامه وصور له مشهد وبرصيصا بيقتل اخته بعد اما زنى بيها وخلفت وقتل الولد ودلهم على مكان القبر .. ! يروحوا فعلا للمكان اللي الشيطان قال لهم عليه وينبشوا القبر ويلاقي اختهم مقتوله ومدفونه وجنبها طفل صغير مقتول .. ! يروح الثلاث إخوه لبرصيصا يهدموا عليه الصومعه وياخذوه ويجروه ويصلبوه وخلاص هيعملوا في اللي هو عمله في اختهم هيقتلوه .. ! يجي الشيطان في المره الاخيره لبرصيصا لكن المره دي مش علشان يوقعه في معصيه ده عشان يخليه يكفر بالله عز وجل ويقول له عارف مين اللي وقعك في كل اللي انت فيه ده .. !؟ أنا اللي رتبت لك كل ده .. وما فيش حاجه تقدر تنجيك من اللي إنت فيه غيري أنا ! بس مش هنجيك الا بشرط .. رد برصيصا بصوت مستغيث ومستنجد ايه هي ! قاله تسجدلي اتعجب برصيصا جدا ، العابد اللي ضهرة مكنش بيوطي الا لله ، ولما يتيقن بالهلاك يتعلق بالامل الاخير الباطل وينحني سجودا للشيطان فيقتلوه وهو ع حالته فيموت .. وهو زاني قاتل كافر ! لو كان لبرصيصا صاحب صالح واحد كان ممكن ربنا ينجيه بيه في خطوة من الخطوات دي .. كان ممكن يقوله في مرة اتق الله متعملش كذا فيسمع كلامه مشكلة برصيصا انه كان لوحده برصيصا معرفش انه لوحدة صيدة سهله للشيطان زي ما النبي صلى الله عليه وسلم قال "الشيطان مع الواحد وهو من الإثنين أبعد" لما أخوك يبقى جمبك حتى لو فيه عيوب وانت تستحملها وتحط ايدك في ايده عشان تعملوا عمل يرضي ربنا ربنا هيقويكم ببعض وهيكرمكم ببعض .. نبي الله موسى وهو من أولى العزم من الرسل لما ربنا كلفه انه يروح لفرعون .. طلب ١٠ حاجات من ربنا قبل ما يروح أهمها كان { وَاجْعَلْ لِي وَزِيرًا مِنْ أَهْلِي } يعاونني، ويؤازرني، ويساعدني على الرسالة { هَارُونَ أَخِي* اشْدُدْ بِهِ أَزْرِي } يعني يارب قوني بيه وشد به ظهري قال الله: { سَنَشُدُّ عَضُدَكَ بِأَخِيكَ } إنت بقا حابب تكون زي مين فيهم ؟ موسى ولا برصيصا ؟ - .. #كيف_الطريق #رمضان_2023 #احذر_الصومعة #العشرية_السوداء
