مدِرعَنة،إيّش .

2021-11-13 16:03:01 خلوني نعطيكم شوية أسطر متمنيه مَ كل قلبي تفيدكم و تأثر فيكم..
بس قبلها طلب بسيط جدا "بطلو تأذو أنفسكم و مشاعركم حرام"
مشاعركم و انفسكم لهن حق عليكم وهنا امانه اصلا بين ايديكم حرام تأذوهن و تفرطو فيهن و تجو عليهن اكثر م لازم لانه مافش شخص ف الكون يستاهل تجرح او تجرحي مشاعرك و تأذي نفسك ع خاطره و للعلم يقولو 'حتي نفسك تحاسبك اول وحده' و ياا ويلنا من اللّي نديرو فيه فيها ع خاطر الناس ناخدو م حساب نفسنا لكن !... السؤال هنا لييش؟
مش أنفسنا اولا بأنه نضحو ع خاطرها و نودوها و نحترموها و نحبوووها اهم شي ...
؏ فكره"هذي مش انانيه ولا شوفت حال ولا غرور ؏ قد مَ هوا تقدير لانفسنا و تكريم لها"

- خلونا توا نحكو كم نقطة فيها واقع شوية :-
*كم مره كنت تبي ادير حاجه للروحك و"تنبلت"فيها ولو كانت سندوتش بحجة انك تعبان و ماعندكش نيه اتحرك ؟..ولما يجي حد يطلب منك حاجه ف وقتها ح تصبي اديرها له و ع اكمل وجه اخرا.

*وكم مرا كان عندك موضوع يخصك تبي اديرا و قدمت موضوع غيرك عليك.

*وكم مرا كنت مخطط تخصص وقت تهتم فيه بنفسك و فرطة فيه وعطيته لغيرك.

*وكم مرا كنت ادير ف حاجات فوق من طاقتك ع خاطر غيرك وتجي ع حاجتك وادير اقل من اقل مجهود و تقول مصارش منها.

لو انديرو ف ربع الي نديرو فيه مع غيرنا من اهتمام و همه و مجهود مع انفسنا راهو حاجات واجد تغيرن للاحسن .

وعشان مَ ننسش مش معني هكي انه نفوتوهم كلهم لاا
لكن لما تعطي نفسك تعطيك و تعطيهم وتحبها تحبك وتحبهم لكن!!
لما تاخد منها بس وتعطيهم ح يجي يوم وتقولك مليت حتي انا و معش تلقي مَ تعطيك ولا تعطيهم و كل مَ تجي بتسحب من رصيدها تقولك "نعتذر مفش سيوله و السحب ع حمر ممنوع نظرا لكثرة الديون" ... باز کردن / نظر دهید

2021-11-08 11:10:02 مش ضروري كل شي نديره يكون له هدف ، مرات يكون عندي مُفضلات الغرض منهن المتعة و التخفيف مَ قساوة الأيام ؛ لذلك مَ تقللش مَ قيمة اي شي يديره الشخص اللّي قدامك مهما بدا فِ نظرك تافه أو مضيّعة للوقت ! . باز کردن / نظر دهید

2021-11-08 03:02:01 مش لازم علينا نضحوا عشان خاطر حد !.
أي نوع من أنواع التضحية بالمزاج ، الوقت ، اي حاجة من ممتلكاتك ...
أي تضحية تكون فضيلة و حاجة يشكرونا عليها أمر فوق طاقتنا أو بالأصح تطوع .
التضحية في ذاتها أني نقدمك على نفسي متخيل الفكرة هذي أن شخص ينزل من نفسه عشانك ؟
لذلك تعتبر التضحية أخطر أنواع المعاملات الإنسانية و لازم تكون مرهونة بالتقدير أو الشكر على الأقل !
مهما كانت التضحية صغيرة و تافهة في نظرك أنا ما نرجى منك شيء إلا أنك تقدرها و تحترمها . باز کردن / نظر دهید

2021-11-02 00:11:01 عارف خصايلهم وعارف بيّادهم وعارف القديم وعارف اللّي جاد، باسلين فالرخا وفِ الكرب مكثر أرقادهم
ومَ ينفعو حتى أصحاب كساد يانا ي بُوّي . باز کردن / نظر دهید

2021-11-01 23:10:02 مَ فيش حد طيب كلنا فينا طشة خبث كارس فِ تركينة و ينتظر الوقت المناسب للخروج . باز کردن / نظر دهید

2021-11-01 22:09:01 نقوللكم شن خاطري بصراحة
خاطري فِ شخص نحكي معاه و نتفلسف أنا وياه و نتناقشو ونديرو حوارات على أي حاجة و نضحكو ونبصرو وجونا سمح ولا يفهمني غلط و لا نفهمه غلط وكل شيء نحكيه يحبه ويقولي كملي كملي كل ما نسكت يفتح موضوع اخرى و يأيدني الرأي ويعجبه كل شيء نقوله
عند نبطل و يغمى عليا :( . باز کردن / نظر دهید

2021-11-01 05:44:01 أصالة لما قالت :
"أنا أنا أنت أنت ، لك كيانك ليّ كياني ليه جامعني معاك ؟ ، مَ أخضع لقانون كيفك !"
لخصت علاقات كثيرة أساسها التسلط المُفرط أو التحكم الزايد ..
فِ الغالب أو فِ أكثر العلاقات حتلقى طرف متحكم بالطرف الآخر بشكل مُبالغ فِ تفاصيل صغيرة زي "اللبس" مثلًا و هذا بعيدًا عن "الغيرة" اللي واخذة دور ستارة ..
و أحيانًا فِ الشكل زي "الوزن" تلقيه يقول نبيك عود فرنساوي ولا نبيك تسمني تحسيه أنه يبي يخش بيها فِ "مُسابقة الأوزان الثقيلة ضد الدببة القطبية"
أو فِ بعض العلاقات حتى وقت نومها شايخ عليه !..
و طبعًالله تلقي الطرف الثاني مَ كثر مَ قلبه معمى عليه يطبق فِ الأوامر بالحرف !
و ختمتها أصالة لما نهت الأغنية بمقطع
"من خسر نفسه هدم مهما بنى"
لأنك فعليًا حتلقى أنك خاسر نفسك شخصيتك حتّى أبسط قراراتك مش حتعرف تأخذها . باز کردن / نظر دهید

2021-10-30 04:33:02 نمشي نشكي لصاحبتي تغيرلي مودي
صاحبتي = باز کردن / نظر دهید

2021-10-30 04:03:01 فطلا الفئة الاجتماعية الوسخة اللّي تمْلي فِ فراغها و تنسى فِ مواجعها ؏ حساب انسان راقد ريح لا بيه لا عليه لعند تشبع منه و تعزقه عزقة كاغط المستكة و يخليه فِ حيرة "انا شن درت بس" !. باز کردن / نظر دهید

2021-10-21 00:11:01 صح مَ عنديش حكر فِ موهبة مُعيّنة بس أندير فِ طبيخة دحّي على كيف كيفها والله . باز کردن / نظر دهید