شان علی المرتضیٰ رضی اللہ عنہ ظلمت شب میں چمکتا ہوا تارہ ہے | 🌸 مدحِ صحابہؓ پر اشعار 🌸
شان علی المرتضیٰ رضی اللہ عنہ
ظلمت شب میں چمکتا ہوا تارہ ہے علی ہر مسلماں کو دل و جان سے پیارا ہے علی بے کسوں اور ضعیفوں کا سہارا ہے علی ہر زباں پر ہے یہی بات ہمارا ہے علی
مردہ دل تیرے توسل سے جلا پاتے ہیں جب ترا نام سنیں وجد میں آ جاتے ہیں
تو نے خیبر نہیں باطل کا فسوں توڑا تھا کوئی فتنہ بھی دروں اور نہ بروں چھوڑا تھا کفر کی موجوں کو تو نے بہ سکوں موڑا تھا ہر جگہ جور و جفا کا تو نے منہ توڑا تھا
ہر نفس لکھتا رہوں گا تری مدحت مولا تری الفت تری جرات تری رفعت مولا
