منقبت دربارگاہِ سیدنا امیرمعاویہؓ تو ہی گفتگو تو ہی جستجو، مری الفتوں کا ہے یہ پیام اے امیرِشام تجھے سلام، اےامیرِشام تجھے سلام تری شان مجھ سے ہو کیا بیاں، تو ہے رفعتوں سے بھی ماورا ترا عظمتوں میں بڑا مقام، اے امیرِ شام تجھے سلام تو امانتوں میں ہے ضوفشاں، تو حضورِحق کا ہے رازداں ترا مرتبہ ہے من الکِرام، اے امیرِشام تجھے سلام تو حَسَنؓ کے ہاں بھی ہے معتبر، جو نہ مانے تجھ کو وہ دربدر مجھے ناز ہے تومرا امام، اے امیرِشام تجھے سلام جو علیؓ کو تجھ سے جدا کرے، وہ رہے رذیل خدا کرے تو برادرانہ رہا مدام، اے امیرِشام تجھے سلام تو فلک کا تارا معاویہؓ، تو سگانِ کفر پہ حاویہ توقدسیوں میں بھی ذو عِظام، اے امیرشام تجھے سلام تو ہدایتوں کا منار ہے، تو سعادتوں کی بہار ہے جو جلا ہے تجھ سے چراغِ عام، اے امیرِ شام تجھے سلام تو قریبِ تر ہے حضور سے، تو بھرے ہے پیٹ کھجور سے تری سادگی پہ نہیں کلام، اے امیرِ شام تجھے سلام تری مدح میں ہے قلم رواں، تری حرمتوں کا ہوں پاسباں ہے سلیم تیرا سدا غلام، اے امیرِ شام تجھے سلام سلیم اللہ سالک @madhesahabachainal ☜ 230 views06:26
