قصيده إلى الامام علي ((ع )) *زينب تون واويلاه حيدر غفه ع | قناة نحر الحسين ع العلويه ام اياد

قصيده إلى الامام علي ((ع ))



*زينب تون واويلاه حيدر غفه على امصلاه*
*حيدر غفه على امصلاه*


زينب تون وتنادي شلون الابو من ضربوه
ضل نايم على مصلاه حيدر علي ماهابوه
مجسوم راسه نصين وبيه كلبي فجعوه
*الوالي بعد فكديناه حيدر غفه على مصلاه*


فزيت اون مرعوبه من نومتي ولهانه
علمك كلف ماينحمل يابو الحسن اذانه
العيد هذا هل وصل واحنه ايتام خلانه
*راح الابو وضيعناه حيدر غفه على مصلاه*


ماتنحمل ونت الابو تصعب يناس عليه
مالوم اشوفنه يون ويدير عينه ليه
منه بعد ايسنه جن هاي الوداعيه
*طوله بعد ماشفناه حيدر غفه على مصلاه*


اصوابه كلف ماينحمل حامي الحمه ياويلي
شفته امغضب بالدم ومني انهدم كل حيلي
طاح سوري العالي يادمعتي علي سيلي
*اشلون المرادي صاباه حيدر غفه على مصلاه*


ضليت اونن بهداي من شفت راسه نصين
مافاده شد ولادوه منه اولاده امئيسين
شلون بينه خلافك لوغمضت بويه العين
*يصعب علينه فركاه حيدر غفه على مصلاه*



*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*https://t.me/joinchat/-h0l4_B6FIg2ZjYy