قصيده إلى الامام علي ((ع )) *خويه حسين شيل الوالي ابهي | قناة نحر الحسين ع العلويه ام اياد

قصيده إلى الامام علي ((ع ))



*خويه حسين شيل الوالي ابهيده*
*وخل عباس ايشدله الجرح بيده*


بهيده الوالي خويه من تشيلونه
ماذيه الجرح منه انخطف الونه
ما فاده الدوه وجرحه تداونه
اصوابه كلف والطبره امجيده



يا عباس شيل الوالي بهداي
اشوفنه يون ويبس اجلاي
ناوي ايشيل ويطفيلي عيناي
وخلاف الدلاني العمر ماريده


ها حسين كلبي النلجم يبن امي
ابوي البيه هيبه ويشرك ابهمي
بعد ساعه ويغرب ما يضل يمي
ابونه يالولي كربت مواعيده


ابونه اوياه جن خلصت الوعديه
اشوفنه يحاجي الكافل عليهه
ايكله موش بتي تروح مسبيه
ناوي اينام بالمكبره البعيده


سم الله عليه من الموت ابو الحمله
زينب تلطم على الهامه وتكله
يابو الحسن جرحك بيه شخله
اذل اخلاف عينك عمري ماريده


تعالو يخوتي وخلونه نتكابل
راح الي يرد من عدنه العايل
حسن وحسين ونو والدمع سايل
عليك احنه انسكرنه والشمت عيده



*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه* https://t.me/joinchat/-h0l4_B6FIg2ZjYy