قصيده إلى الامام علي(( ع )) *اكعد ياحيد علمك هز الجب | قناة نحر الحسين ع العلويه ام اياد

قصيده إلى الامام علي(( ع ))




*اكعد ياحيد علمك هز الجبال*
*ابو الحسنين وياه الدهر مال*


اشلون ايشيل شيال الكلافات
اعرفه مايطخ الراس هيهات
طحت شلون بويه على المصلات
صعبه طبرتك شتهتلي البال


هذا المايهاب الموت ابو تراب
وسف الراس منه ابسيف ينصاب
بته تون عليهه ابدمع سجاب
فراكك مالي حيله بويه جتال


علمك من الفاني صحت ويلاه
اليوم الشال مني الحيل هداه
الف ياحيف حيدر ضيعيناه
بعد هيهات يرجع الينه الشال


حيلي عليك ضل اليوم مرهون
تستاهل عليك اعميهه العيون
بعد بيمن ازامط من تنامون
افراكك ياعلي يابويه جتال


شايل وين وانته هيبت الدين
وميتم الحسن يابويه وحسين
بويه موش الك يانومت الطين
انته البالحرب فارس وخيال


سبع تنعام من عندك يبو حسين
راعبهه الزلم من اهد صفين
حزنانه عليك الشيعه صوبين
ودمع العين على الوجنات همال



*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*https://t.me/joinchat/-h0l4_B6FIg2ZjYy