نعي زينب سلام الله عليها رأت والدها الامام علي مطبور الراس و | قناة نحر الحسين ع العلويه ام اياد

نعي

زينب سلام الله عليها رأت والدها الامام علي مطبور الراس ومسجى على الارض نضرة اليه نضرة حزن

تكله
بويه علي يابويه


يم راس ابوهه زينب تحوم
تشوفه يلوج وراسه مجسوم
اتكله فدوه اروحلك يجيدوم


اجيتك يبويه اعثر بجدمي
ومابيه حيل اشيل هدمي
بويه تلكاني يا شجاي همي



تلكاني بويه وصيح حياج
كل الهله زينب ابطرواج
وسفه الموت فاركني انه وياج



لكعد يبويه اعتاب الي اوياك
اشريك لوله الدهر ساماك
اسم الله يابويه على طرواك


تكله

عد الله داخل يبو الحسنين
تكومنه ابسلامه ياضوه العين
خلافك يبويه نروح جاوين
اكعد يجد الحسن وحسين


اكعد يمن بيك الحيل يكوه
الطولك يبويه انروح فدوه
خلافك تره كلشي مانسوه


من شفتك اموسد على الكاع
حسيت بويه جانه الوداع
شلون لو وجهم علي ضاع


شلون لو طولت بالنوم
وزينب عفتهه بحال مالوم
خلافك تذل والله يجيدوم


اريدك تضل ويانه خيمه
اعرفك حنين وبيك شيمه
عليه ماتلتفت بويه هضيمه


هيبه الابو بالبيت ردناه
ايسولف ونسمع حجاياه
ونلتم عليه ونكعد احذاه
بعد حبل الموده اويا كطعناه




*لخادمة الحسين ع العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*https://t.me/joinchat/-h0l4_B6FIg2ZjYy