قصيده الى وفاة العلويه شريفه ((ع)) *شريفه اشلون يازينب د | قناة نحر الحسين ع العلويه ام اياد

قصيده الى وفاة العلويه شريفه ((ع))


*شريفه اشلون يازينب دفنتيهه*
*بالحله العزيزه ودعيتيهه*


هاي امعربه والحسن والدهه
ماهي لايحه بليه اهل دفنتهه
شكلتي اليوم من حالت منيتهه
بعد روحج يحره اشيضل بيهه



شريفه شلون من ونت يعمتهه
تهد الحيل يازينب مصيبتهه
هاليوم الحسن ماحضر ونتهه
براضه و بلكبر بهداي حطيهه


طاحت بالدرب وتريد اهاليهه
طفله امدللة وتفجع بواجيهه
ابو فاضل يوسفه مادره بيهه
وزينب بالعتب كامت تحاجيهه


من ضيم اليسر تعبانه البنيه
شافت كربله و عملت الضهريه
الزلام امذبحه ونسوان مسبيه
تهل دموعهه والحسين تجريهه



غمضت عينهه ونامت العلويه
تون زينب عليهه اليوم محنيه
يعمه عليج والله الروح مكضيه
العشره ليش ويانه كضيتيهه



هلتي اترابهه و ونيتي احذاهه
شريفه واللحد ياحيف طماهه
تون زينب عليهه وعيب تنساهه
الموته من وكت عمه هويتيهه


*لخادمة الحسين ع العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه *https://t.me/joinchat/-h0l4_B6FIg2ZjYy