نخوه للعلويه شريفه متعنيه الشريفه اليوم و انخاهه ببوهه ال | قناة نحر الحسين ع العلويه ام اياد

نخوه للعلويه شريفه


متعنيه الشريفه اليوم و انخاهه

ببوهه المجتبى اوجبده انترجاهه


اريد اشكي الهضم عندج يعلويه

تعبانه اونخيتج حيل مابيه

احلفج بلمشت للشام مسبيه

بالشدايد احنه ردناهه



اريدن وكفتج وياي موﻻتي

مهضومه يحره اوتهل دمعاتي

ها يم المعاجز اكضي حاجاتي

بالحله الطبيبه احنه انتعناهه



اسمج بالكرم ينجاب طاريه

همي هواي اجيت امحزمه بيه

اريد ابحضرتج موﻻتي شكيه

بت الحسن شجايه اجيناهه




انتي لبضريحج تشفي كل عله

صعبه طلبتي اوتدرين مو سهله

كالولي عليج اوجيت للحله

اسولف ضيم كلبي الطاهره احذاهه



مجروح الكلب ومحمل اهموم

تبجي العين ابد مامرهه النوم

اكلج ياشريفه الكلب مالوم

حوائجنه يم بابج سولفيناهه



لخادمة الحسين //العلويه ام اياد ﻻيجوز خذف اﻻسم
https://t.me/joinchat/-h0l4_B6FIg2ZjYy