2022-01-26 15:58:36
قصيده لوفات السيده زينب ((ع)) من ديوان نحر الحسين الجزء الرابع
*كلبي شاب من القهر يحبابي*
*ابغربه اموت وماحضرتو امصابي*
*انه زينب ياهلي*
*الموت هلكرب الي*
بغربه اموتن والاهل عني جفو
زينب انه وبيه ابد مافكرو
طالت الفركه وعليه اتعطلو
*ليش ماكصدو وجوني*
*لدرب تربي اعيوني*
الكم اليوم انه اوجه اعتابي
اعتابي اوجهه الكم يمن عفتوني
انه اختكم واجب تحضروني
وبالنعش تمشون وتشيعوني
*نعشي تشيلونه*
*والعزه تنصبونه*
عيني ضلت شابحه لبابي
عيني ضلت شابحه الجيت الولي
حسين حسبالي يجيني اوكافلي
وعون يحضرني ويكلي ادللي
*ايست منهم بعد*
*اليسافر مايرد*
ياهو عليه يهيل اترابي
بعد من دنياي جني ايست
الموت كرب ليه وبي رحبت
العمر بس ضيم وهضم منه شفت
*ماشفت راحه بزماني*
*والدهر بالوه بالاني*
هاي انه قصت عذابي
كلبي شاب وخلص من ضيم العليه
ردت يمكم موتتي ماصح بديه
مارحمني البين خانتني المنيه
*المنيه جدمت*
*وبيه ابد ماارحمت*
بيه ميدرون وسفه احبابي
*لخادمة الحسين العلويه ام اياد لا يجوز حذف الاسم* اهدي ثوابهه الئ شرف النبي وال بيته الطاهرين والئ روح والدي السيد قاسم ابن سيد عطوان قربة الئ الله تعالئ https://t.me/joinchat/-h0l4_B6FIg2ZjYy
198 views12:58