قناة نحر الحسين ع العلويه ام اياد

2021-08-11 11:38:00 نعي لوصول ضعن الامام الحسين (ع ) الى كربلاء عن لسان حال مولاتنا زينب٠٠٠
تقول


طبيت لأرض الكدر طبيت
وعصابت حزن ع لراس شديت
تغدرين اخوتي بيج حسيت


كلبي يكلي لا تنزلين
من الوليان يازينب تفلسين
ومكسورت الخاطر تردين


كلبي لجمني من وصلنه
وحسين كمت اعاتبنه
يخال الولد ردنه النزلنه



وصلنه كربله والعين هلت
ارض الكدر بينه شخلت
روحي على الخوان سلت


سير ضعنه وصل ليهه
انه وهلي نزليت بيهه
وخاف احط الجدم بيهه


طبينه كربله ويه الميامين
وعباس كلي هنا تنزلين
يكلي يزينب لاتخافين


مارحبت بينه من اجينه
وجدمنه حملنه وانزلينه
محمله جنهه علينه

نوخت بيهه نوك اهلنه
وكللولي يازينب وصلنه
بهالكاع يطشر شملنه


خوفي على الخوان منهه
امعسكره علينه بزلمهه
الخوان منج وين اضمهه



اريدج تحفضين الوصيه
عينج على البيهم حميه
طبوج اهنه ابهالمسيه


*لخادمة الحسين العلويه ام اياد لا يجوز حذف الاسم اهدي ثوابهه الى شرف انبي وال بيته والى روح والدي السيدقاسم ابن السيد عطوان الفاتحه*


السلام عليكم ..

*اعلان*

تم نقل قناة نحر الحسين ع الى هذه القناه
يرجى الإنضمام للرابط ادناه
هذا رابط القناة الجديده


https://t.me/joinchat/-h0l4_B6FIg2ZjYy
العلويه ام اياد

*قناة نحر الحسين (ع)) باز کردن / نظر دهید