2021-08-31 23:41:43
*قصيده مربعه فزاعيه لزينب تروي للزهراء مصرع الحسين عليه السلام*
عشر اخيول سحكت صدر ابو اليمه
شوفي حسين يمه غارك بدمه
عشر اخيول سحكت صدره يا زهره
من بعد السحك شمر الگطع نحره
دمه اعله الارض يا حيف ضل يجره
ريتج حاضره تشوفين يا يمه
عشر خيول سحكت صدر ابو اليمه
ريتج حاضره يا زهره هاليله
مذبوح الحنين امطشره العيله
حركوها الخيام وروحي انحيله
رحت لحسين اصيح انهضلي وابهمه
صحت يحسين اگعد خويه يبن امي
اجيتك اركض واعثر تره بهمي
شفته اشلون اخوي امسلب ومدمي
گبل ما اشوف اخوي العين خل تعمه
باچر لليسر امشي اوي چتاله
حملي لو مشيت الشمر يبراله
وانه امچتفه يحسين يا حاله
صارت دنيتي يا خوي بس ضلمه
لا تغسيل لا تچفين عالغبره
شوفيه عالررمح مرفوع ضل نحره
لرض الشام وياي النحر يبره
كل ساعه نحط الراس و انشمه
عشر خيول سحكت صدر ابو اليمه
حطوني بخرابه وحالتي حاله
جابو رأسه النه وتصرخ اعياله
رقيه اتصيح ابوي ابدمعه هماله
تگلي نحر ابوي اشبيه يا عمه
عشر خيول سحكت صدر ابو اليمه
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب ونسألكم الدعاء
https://t.me/Vvb313/2407
223 views20:41