2022-06-23 01:45:41
قصيده عن فراق الابو
*مشت اوياك يابويه المحنه*
*عنه من رحت اضلم نزلنه*
مشت وياك يابويه الهيابه
وديوانك بقه مسدود بابه
وبتك تنتحب وتصيح يايابه
طال اغيابكم وكطعنه الضنه
يبويه افراكم بسهام صاباني
اجيت الداركم محد تلكاني
اغيابك مرمراني وحيل اذاني
اصد الداركم وجذب الونه
يبويه البيت حن ويريد راعيه
سد بابه اومشه راعي العزوبيه
حسافه بالنجف نمتو يفاعيه
انون عله المشو هليوم خلنه
شلناهه المحنه اوراحت اوياك
عمت عيني الحد يابويه ضماك
وبنك ينتحب واليوم راداك
مشيت اشلون يلشايل حملنه
اكعد ياشهم يلكلك امروه لدنيه
الدنيه ابغير شخصك بويه ماتسوه
صار افراكنه وياك بلكوه
ياحيف الدهر يابويه فاركنه
*الخادمة الحسين العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*https://t.me/joinchat/-h0l4_B6FIg2ZjYy
256 views22:45