2021-09-30 09:59:09
قصيدة الى النبي محمد من ديوان نحر الحسين ع الجزء الثاني
*ابعتبت الباب اون ابعتبت الباب*
*ابدمع سجاب يبويه ابدمع سجاب*
اون غصبا عليه انه الزهره الزجيه
اه يا فكد الابو اكبر مصيبه
بيش اعوضنه حنانه منين اجيبه
ليش عافاني ومشه الجانالي هيبه
عدمن اشكي الحال لو طالت الغيبه
طال الغياب يبويه طال الغياب
البيت عفته ليش بويه وانت راعيه
خالي اصد كمت لمكانك وانته مابيه
حزنك بكلبي جواني وبيش اطفيه
الزهره انه والهضم مابيه اعليه
الكلب شاب بمصابك الكلب شاب
انه بنتك والبنيه انته واليهه
لمن تعاين بعد لوما تجيهه
تون عليك الزهره وزايد بجيهه
تعاتبك يالابو من غصبا عليهه
مني العتاب اسمعهه مني العتاب
خاليه ديارك صفت وحشه وخليه
ارجع اترجاك بويه وحن عليه
بويه بجفاك الزمان شلعب بيه
بعدك الباب احركوه على الزجيه
ماكو طلاب ابثاري ماكو طلاب
شال ابو الغيره ومشه عني ونساني
وراح من ايدي ابوي الدللاني
بالحد نايم يوسفه او ضيعاني
ليش من عدنه ابعد بيته يازماني
جرحي ماطاب يبويه جرحي ماطاب
لخادمه الحسين العلوية ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*السلام عليكم ..
*اعلان*
تم نقل قناة نحر الحسين ع الى هذه القناه
يرجى الإنضمام للرابط ادناه
هذا رابط القناة الجديده
https://t.me/joinchat/-h0l4_B6FIg2ZjYy
العلويه ام اياد
*قناة نحر الحسين (ع))
524 views06:59