2022-06-24 21:48:12
كتبت الصحفية ريم الهندي المصابة بالسرطان على صفحتها على فيس بوك..
اليوم عملت صورة نووية عشان نعرف إذا استجاب جسمي للعلاج البيولوجي أو لأ.
من شوي الدكتور خبرنا إنه العلاج ما أعطى نتيجة، والخلايا السرطانية لسا مشعة بجسمي.
ورح نلجأ لجرعة كيماوي مكثفة لعدة أيام لازم آخدها وأنا نايمة بالمستشفى.
الأسبوع إلي مر حاولت ألتقي بكل الناس إلي بتعطيني طاقة إيجابية وحب، كإنه ربنا خلاني أشحن طاقة عشان أقدر أواجه أيامي الصعبة إلي جاي.
كل ما بتذكر إني من كم يوم كنت معجوقة كتير على شعري إلي بدا يطلع وما لحقت أفرح في، وإنه رح يرجع يتساقط بعد كم يوم.
وكل ما أتذكر فرحتي لما الدكتور حددلي موعد مع أخصائي الزراعة، ولما قلتله إني حاسه بكتل بتظهر جديد، اتصل فينا بعد كم ساعة وخبرنا إنه لغى الموعد.
كل الإحباطات إلي عشتها من أول يوم عرفت في إني مريضة سرطان لليوم، كنت قادرة أتجاوزها بدعائكم ودعمكم.
اليوم كل ما بتذكر نبرة صوت أبوي وتعابير وجهه لما قلي، شو يعني استسلمتي؟
ما بقدر أستسلم، ومن لحظتها قررت أبدل الاستسلام، لتسليم كامل لأمر ربنا بقضاءه وقدره.
اللهم لا نسألك رد القضاء، ولكن نسألك اللطف فيك.
85 views18:48
م
