2022-08-28 16:41:33
#السيدة_رقية
رثاءُ #السيدة_رقية بنت الحسين (عليهما السلام)
السيد عدنان الموسوي
1_ إنَّ الدُّمُوعَ الهَاطِلاتِ بِطَوعِها
تَحكي وَعَن عُظمِ المُصَابِ تُعَبِّرُ
2_ وَبِخاطِري مرَّت مَصائِبُ جَمَّةٌ
والنَّارُ مِنها في الحَشا تَتَسَعَّرُ
3_ لكنَّ رُزءًا واحِــداً هَــدَّ القُوى
وأمامَهُ كُلُّ المَصائِـبِ تَصغُرُ
4_في الشِّامِ بِنتٌ لـلحسينِ يتيمةٌ
قد غابَ والدُها الهلِالُ الأَزهَرُ
5_ بالدِّمعِ والآهاتِ تَقضي ليلَها
حَيرى بهِ تَرعى النُّجومَ وتَسهَرُ
6_ مِن نَومِــها قامَـت بِقلـبٍ واجِــدٍ
وَغَدَت تَقُصُّ على العِيالِ وتُخبِرُ
7_ هذا أبي قد كانَ يَمسَحُ دَمعَتي
وإليهِ أَنظُرُ واشتياقاً يَنظُرُ
8_ فَعَلا نَحَيبُ الثَّاكلاتِ وأَعوَلَت
حَرَمُ النُّبوةِ والمَصائِبُ تَكبُرُ
9_ جَاءُوا لها بالرأْسِ يا وَيلًا لَهُم
قد هَدَّ رُكنَ الدِّينِ ذاكَ المَنظَرُ
10_ نادَتهُ يا أبتاهُ إرحمْ غُربَتي
عُمري صَغيرٌ والنَّوازِلُ أكبرُ
11_فأنا التي لليُتمِ صِرتُ رَهينةً
ولأنتَ في وَجدِ اليَتيمةِ أبصَرُ
12_ فاضَت مَدامِعُها وفاضَت رُوحُها
وَبَكى لِعُظمِ الخَطبِ حتَّى المَنحَرُ
***
الشعر الدارج لأحد الشعراء :
فزَّت الطفلة بلا وعيّه
وتريد أبوها حسين هيّه
نادتها زينب يا رقيّه
زيّدتي أحزان العليّه
والله يا عمه اشها الرزيّه
لمَّن سمع نسل الدعيّه
نادى اشجره بهاي المسيّه
أسمع بجي اونّه شجيّه
گالوا لعد ابن الزجيّه
طفله وعليه اتنوح هيّه
آمر اللي ما عنده حميّه
يودولها راسه هديّه
من شافته جتها المنيّه
وطاحت الطفلة اعلى الوطيّه
ما حسّبت أطب يا بوي شامات
واشوف ابگتلك العدوان شامات
مِنَّ الطشت ريحة مسك شامات
من راسك يبن حامي الحميه
وللشاعر أبي سجاد الحَمَد :
گلبي من القهر مگطوع بتّاه
ولا شفت الفرح فد يوم بتّاه
اجيت وما جبت لحسين بتّاه
شگله وبالغرب ماتت رقيه
نعي آخر مناسب للقصيدة
للسيد سعيد الصافي :
طفلة مدللـــه وتريد ابوها
وبعدها بزغر سنها ويتموها
يتيمة وفاگده والگلب مجروح
وسلوه لليتيم الدمع والنوح
شحال العاینت والدها مذبوح
وكلّ اضلوع صدره هشّموها
تهيد اشلون وتبطّل بچيها
وابوها شما غفت طيفه يجيها
غيور وچان يتحنّن عليها
وبيا ذنب من عنده احرموها
عودها على أخلاقه الحميده
يهودّها وينيّمها اعلى ايده
ابحلمها شافته وفزّت تريده
وتخاف من اليتامى يسمعوها
سمعوها اليتامى تبچي واتحوم
وتعثر بالهظم ما تگدر تگوم
وكلهم نادبوا يحسين يا مظلوم
وعالون والبواچي ساعدوها
ويزيد السمع صيحات الظليمه
گال اشخبر هالصيحه العظيمه
لبوها اتريد گالوله يتيمه
إخذوا الراس گال وسكتوها
شافت راس والدها رقيه
تشمّه هوت والونه خفيّه
وعلى راسه دنت ليها المنيه
ولگوها ميّته من حركوها
469 viewsMoSaWi, 13:41
ق
