تازه پیمان قالدی یولداش سوز وطن بیرجان وجانان آختارور* آرخاد | شعر و ادب منصور قادری زنوز
تازه پیمان
قالدی یولداش سوز وطن بیرجان وجانان آختارور* آرخاداشی اوئزی چون سینه ده ایمان آختارور* شیردورکفتارایچینده هیبت ایله قاوزانوب* اوئزونه یولداش تاپا بیرمرد میدان آختارور* هم مرام هم دینلرتوتموش خیانت مسندین* باطلاق وغرقاب ایچیننن مردمیدان آختارور.* هرکسه اطمینان ائدی اول خیانتکاراولوب* نانجیبلردن دوشوب بوذروسلمان آختارور* الامان اهل ریانون فتنه سیننن الامان۰* اهل قوم شیب دن دوئزگون اول میزان آختارور* میسیولاردان چاره چیخماز چاره قیل اوئز باشووا* دوست دااولسااگر اوئزونه تومان آختارور* اول بیریسی دیل وئریر اغیاره دوستی اینجیدیر* موفته پول موفته چوره موفته ده دکان آختارور* میللت ایران دی عاشق چون ولایت عشقینه* بی ولایت لردن اول مهرایله ایمان آختارور* چالدران غمنامه سی گئتمز بوغملی گویلدان* دردینه مرهم نییه بس اهل عثمان آختارور* اول بیری توکدی قانی آلدی وطن توپراقونی* ترکمن چای اولمویا عهد گلستان آختارور* یوخ گوناهوم قورخورام دشمن چتین دور دوست اولا* دوست لباسوندا گئلیب اول آلماقا جان آختارور* میللت آزاده میزواردور کمک اسلامونا* قویما آج یاتسون اوئزونه بیر تکه نان آختارور* اغنیالردن سنه اولماز کمک فکرایلمه* میللتین قانون سورور اوئزونه یورقان آختارور* بعضی مجلیسیلردنده یوخومدور انتظار* بس یئیوب میللت مالون سوسایوب عیران آختارور* ( محزونا ) دورقوی یئره تسبیح له سجاده نی* آل اله ده تیری دوشمن مرد میدان آختارور*