2022-08-26 03:11:31
دوزگون یاشام، دوزگون حیات، دوزگون عشق
حسین صدیق، «دوزگون» بیه عشق اولسون
عالیملرین علمین چیخارتدین دوزه
آلقیش قلمینه عشق اولسون سنه
داملالاری گوٌل ائیلدین بیزلره
قاووشدوردون بیزی ایتن ایزلره
اومود باغلامیشدیق دوشن کوزلره
سوٌنمز اوجاق اولدون عشق اولسون سنه
ووردون زیروهلره تورکون بایراغین
ییخدین شووینیزمین ائوین چارداغین
عشقین شرابییله دولان بارداغین
یاراسین* ایچدیگین، عشق اولسون سنه
دیل کُونو* اولونجا سوٌز اوتانیردی
یازماقدان قلملر هِپ* اوسانیردی*
تورک دونیاسی هر کس سنی آنیردی*
قورور قایناغیمیز عشق اولسون سنه
حصر* ائتدین عمرونی تورکون دیلینه
گوٌبکدن* باغلاندین تورکون ائلینه
باخ«شافاغین» گوٌزدن آخان سئلینه
عصرین فضولیسی عشق اولسون سنه
یاراسین : نوش جان اولسون
کُونو : موضوع
هِپ : همیشه
اوسانماق : یورولماق
آنماق : خاطیرلاماق
گوٌبک : ناف
حصر ائتمک : وِئرمک(بوتونو ایله، تامامی ایله)
آقای حسین کارکن #زنوزی
@mansour_ghaderi_zenouz
#شعروادب #زنوز
77 viewsedited 00:11