لا بأس إنك تزعل .. ولو عشي غيرك شايفه تافه مش غلط تبكي و تحتاج | 🔴 منصة الصحة السورية - MedDose

لا بأس إنك تزعل .. ولو عشي غيرك شايفه تافه
مش غلط تبكي و تحتاج و تضعف .. بالعكس حقك
مش غلط تمرق بفترااات اكتئاب كمان

الغلط إنك تبقى ساكت .. إنك تعمل قفص ع مشاعرك و تخاف من مجتمعك و محيطك


افهم مشاعرك
ولو ما قدرت ؛ اطلب المساعدة .. إنت بالآخر إنسان
الجأ للأشخاص القريبين القادرين على احتواءك
فضفض .. للأوعى و الأكثر كفاءة (عاطفياً و علميّاً)
ولو ما قدرت كمان ؛ عالأقل حاول تشد عالإيد اللي انمدّتلك
يمكن تنشلك من قاع العتمة للنور


غير هيك ممكن تتطور القصة لمرض للأسف ، و إنت مفكرها بسبب ظروف ما..

"الاكتئاب الشديد" أخطر من تخيلاتنا..

و هون العلاج النفسي هو سلاحنا لنحاربه
الطبيب مش للمجانين
و الأدوية -في حال وصفها- مش عيب..
ولا بتسبب إدمان .
خلينا متأكدين إنو هنن التنين -بهالحالة-
الإيد اللي ذكرتا فوق

أخيراً
مش مهم المجتمع .. إنت و صحتك النفسية فوق كل شي

.....
الصيدلانية : فرح الشحف .