اتزوجت وعمري ١٩ سنة .. حاليا عمري ٣٨ سنة ما ولدت مما اتزوجت وب | أحببتها 💛

اتزوجت وعمري ١٩ سنة .. حاليا عمري ٣٨ سنة ما ولدت مما اتزوجت وبعد خمسة سنة من الزواج حسيت انو راجلي صبر معاي بما فيه الكفاية واكتشفت انو بتكلم مع وحدة قعدتو في الواطة دي وقلت لي البتتكلم معاها دي لو شايفا زولة سترة معاي عرسها وجيبا البيت رغم انو وضعنا كعب .. بس عشان م يكون عندك بيتين وصرفين وافق فعلاً .. ومشيت مع اهلو وطلبنا وحددو العرس .. وفي يوم دخلتو دي انا النار كان قايدة فيني من الغيرة بس كنت بصلي وبقرا قران كتير وادعي انه ربنا اصبرني .. وفاتحتو في موضوع الشغل انا قريت صيدلة وكان رافض الشغل بس وافق لي ونزلت قلت املي وقتي بالشغل . ومرتو حملت وكان طاير بالفرح وانا كمان فرحت لي .. وبديت معاها من الوحم والله بخدما خدمة شديدة لانو امها متوفية وكنت شغالا في الصيدلية وشغالا قصاده في البيت والله لحدي الحنة بختها ليها راجلي كان مبسوط مني وعمرو ما قصر معاي في حاجة ابداً قروشي البقيت شغالا بيها بقيت ابدا اجهز للولادة حقت ضرتي والله معتبراها زي بتي .. وضربت نادت خالتها للولادة ..