وقعدت معانا قريب التلاتة شهور كان بتساعدني والله كتير .. بعد ا | أحببتها 💛
وقعدت معانا قريب التلاتة شهور كان بتساعدني والله كتير .. بعد الولادة الولد ملا علي دنيتي انا ضرتي وابوه والله البيت بقي جنة بي صوت بكاء المولود فرحت بي فرح شديد وامه كان كل م اقول عايزهو تديني لي .. تقول لي ده ولدك وولدي والله بقيت اشتغل واصرف عليهم ما بخلي لي لا لعبة لا سرير لا هدايا .. اتبسطو وملا علي الدنيا وبقي عندي كمية من الطمانينة والراحة مع ضرتي ما لقيتها مع اخواتي وامي .. والحمد لله جابت التاني والتالت بس ولدي الاول البنوم معاي ويقوم معاي في الروضة لمن اقولو لي نادي امك بناديني والله .. جاب لينا الرزق ووضعنا اتصلح شديد ولحد.ي م بقي عمري ٣٢ سنة انا م ولدت وبقيت م بركز في الولادة كتير لانو بقي عندي اولاد ضرتي مالين علي البيت برجع من الشغل والله بلقي البيت نضيف والطبيخ معمول اليوم البتكون فترانة فيو بجي بلقي البيت جايط بطلع هدومو وبدخل انضف بلقاها عملت الغداء .. لحدي م يوم تعبت شديد وراجلي كان ماف ودتني الدكتور والله اليوم داك كبرت في نظري شديد وبعد الفحوصات قال لي الدكتور انتي حامل .. بقيت اضحك قلت لي لكن انا م حامل ودورتي زاتها شكلها عايزة تقطع لانو بتغيب شهرين وبتجي براها بقيت م مركزة معاها كتير .. قال لي دي ورقة الفحص ادخلي الدكتور والله انا وضرتي دخلنا سوا وقال لي انتي حامل وداخلا في الشهر الثالت ي جماعة انا بقيت م عارفة اضحك ولا ابكي المهم بكامل قواي بقيت اصرخ واكورك ناس المستشفي كلهم انلمو فيني بالفرحة والبكاء الانا عملتو وفعلاً لمن وصلت الشهر السادس ومشيت اعرف نوع الجنين الدكتور قال لي كلام نزل علي زي الصاقعة وبقيت بس ابكي من الفرحة قال لي انتي حامل بي ٣ تؤام كان بطني كبيرة شديد وكنت كل مرة اكلم ناس امي يقولو لي انتي عشان اول حمل ليك دي كراعو ودي راسو وكذبوني لحدي م الدكتور قال لي عندك ٣ اطفال والله رحمة ربنا كبيرة شديد والله ولا تقنطو من رحمة الله ضرتي ولدت تلاتة وانا في ولادة وحدة ولدتا تلاتة والله وقفت فيني وقفة راجل وعمرها لاكلت ولا ملت لحدي الحمام ده كان بتنتظرني برة عشان تسوقني وترجعني السرير ... خلو دايما ثقتكم بي ربنا كبيرة ونيتكم دايماً صافية تجاه الناس وحبو الخير لغيركم عشان ربنا اديك لمن تبكي من الفرحة...
شايفين النية النضيفة بتجيب شنوو يابنات ربنا يرزق كل محرومة عاجلاً غير اجلاً... ربنا يرزق كل واحدة تتمني من كل قلبها ومحرومة من نعمة الاطفال ..امين يارب العالمين
