2023-01-20 19:25:42
"قد أنسى كل شيء، باستثناء أثر الحنية التي عاملني بها أحدهم في أيامي الصعبة♡))
ليه كل يوم بنأكد إنو اول شرط يكون حنين.!؟
عشان الإنسان البتكون الحنية جزو من طبعه ما بيعرف يقسى..!
ما بيعرف يكون فظ غليظ لدرجة تخافي على نفسك منو ..!
مهما جارت الايام وواجهتو صِعاب كتيرة حتلاقي نفسك مُطمنة وواثقة إنو كُل دا حيعدي من غير ما يزعزع شي في علاقتكم.
عمرو الشخص الحنين ما حيخليك تشُكي ولو مرة إذا كان قاصد يأذيك أو دا تصرف في لحظة زعل لأنو أساسًا هو بضبط نفسه وسلفًا مواقفو معاك مؤكدة ليك إنو هو أحنْ من إنو يتصرف كدا.
حتعرفي تواجهي كُل مشكلة معاه بدون خساير، بدون ذرة شك في إنو البينكم هش وممكن ينتهي بسبب مُشكلة.
حتنومي زعلانة وتصحي تلاقيه مُصر يراضيك وينهي المشكلة دا إذا ما حاول جُهدو يراضيك قبل ما تنومي.
الحنين شخص مُستعد يعمل أي شي فداك عشان ما يشوفك زعلانة ومُتضايقة.
ما بقول ما حتحصل مشاكل بس مع كُل مُشكلة حتتأكدي إنو حنيتو سبب كافي عشان تكملوا وتغُضي نظر عن كُل الإختلافات البينكم.
في ناس حنينة حتى في زعلا تلاقيهم كدا ساعة بالكتير وعايزين يصالحوك وينسوا المُشكلة.
تلاقيهم كُل ما زادت المشاكل زاد حذرهم وحُبهم ليك وخوفهم من إنو يخسروك وزادت حنيتهم ناحيتك.
"حقيقي دي ناس لم نشقى يومًا في رِفقتهم♡))
لما تختاري شخص حنين إنتِ ربحتي بكج كامل فيهو:
حِنية..!
طبطبة..!
إهتمام..!
خوف..!
والكثير من الحُب.
غير الشخص الحنين ما في زول بخلي شغله ويقعد في راسك لمجرد إنك حاسة بصداع.
مافي زول حنين بقدر يهملك ساعات سيبك من إنو يعدي أيام ما يفقدك أو يتكلم معاك.
بس الحنين هو الحيخاف عليك من نفسك، من عصبيتك، طيشك وتهورك وتلاقيه بفتش معاك على حلول عشان تتخطي كُل أزماتك دي بدون ما يعايرك أو يلومك بيها.
الحنين إنسان ما في زيو، تلف الدنيا وتدور وتلاقيه هو هو، ما بيتغيير، بِحن حتى في وقت الخصام والمشاكل.
تلاقيه مُتصل عليك في عز ما إنتو متخاصمين ويسألك إمتحاتك كان كيف؟ عملتي شنو؟ أصبحتي كويسة؟
اول ما يشوف حاجة بتخصك وبتهمك ببقى شايلا وجاي بيها ليك وما بهمه إنك مُزعلاه أو متخاصمين.
فحقيقي يخوانا
"من كان نصيبه من الدنيا لين قلبه فقد ظفر"
ربنا ما يخت في طريقنا غير ناس يكونوا حنينين علينا ♡
#على_الهامش:
"كان حنينًا عليّ لم أشقى برفقته أبدًا))
#نوودين_بت_من_حب
544 viewsإيمِي||غَفَرَ اللهُ لَهَا♡, 16:25
خ
